Sep 01 – PAVITHARERO BALAVNI

1 Pethru 1:15 Thamena balayojako  pavithar chaju, tham thamar chalema sey pavithrethi ro.

‘Tham thamar chalema sey pavithrethi ro’ kajako yee vathen Aposthal Pethru kerocha. Aposthal Paul sada 1 Timothy 4:12 vachanema sey chalanima viswasiyuna namunar nai ra Kan kerocha. Prabhu thar chal chalanima vor nazarethi dekan thuka ghalevalo cha.

Thar chal chalanina Dev vothij polchlerocha. Dev pavithar chaju thu saha thar chalanima pavithrethi renu Kan kerocha. Ma yee jagema chajako dusar viswasmethin ghano pavithar vagi chu Kan thonthu kelen himmath palechi kaiko lapan Dev vor sayaama vor rupema srustikido jethi thon vor naij deklenu Kan Asa karrocha. Jethij 1 Pethru 2:12 vachanema Paral jann thamena aag bukker Kan dwesethi vathe karajako khabarema, vo thamar aach kamena  dekan, vorvadi Dever dadema vona mahima karena, vunder vacha tham aach chaal chaaljavo Kan thamena seek seekvadi derochu.

Assal chaalani katho kai? Katho vatheman,chaleman, prememan, ajji thar jeevanema banchrejako chaalninaj. Dever bepta vunden vo kukan chaaljavunu?  Geder grandh 1:1-2  Dushmaner mathrema chaleniju, papiyur vatema hubreniju, tatta kareval bhesajetha bhesaniju Yehovar dharamshathrema anand pavatho, rathan diyya vona dhyan karevalo nasheebdhar Kan vanchacha.

Dever prem kajako thar chalanima dekalnu. Vu premema swartha cheniju, mosa cheniju,thyagamethi dekalastho dusar dekeval Christhur Sam akarshana vejavacha. Yohan 13:35 tham yekken yek prem karotho, yethi tham Maar chelakan sey malam karliyekan ko.

Navvo Kararema Prabhu Yesu dee pradhana agnavun dinocha. Vundema yek ‘thar Prabhuna puro dallethi, puro Athmathin, puro jorethin ajji puro mannethi prem karnu kajakon, vujjek thar dakal ajjeken prem karnu Kan ko.

Hannu kanna thar chalanima Yesuna dekalechiko Jana thona dekan yee jag sari Deven mahima karacha thu yek moto gavai devaler nai rechi jethi Prabhu yesuro namena mahima avacha.

Ajji jada dhyan karen pado Yohan 15:12 Ma thamen prem kidoju tham sada yekken yek prem karnu kajakoj Mar aagna.