Aug 24 – THAMAR DALLEMA ARAAM

Philemonen 1:7   Bhayi Bhakthidharevur dallema thar vadithi araam Malicha Kan samlojethi tham dekalejako premer ghali manna anandan adharan malicha.

Bibilema 66 grandhavo cha vundema 56 mo grandh yee Philemoner grandh. Yee grandhema yekkaj adhyaya cha. Romar jailema vethojana Aposthal Paul yee kagadena lakkocha. Yee kagad Onesimas kajako Bayar yajaman vethojako Philemonen bayapan kartho kartho dhasgojako yee Onesimassena hoto bhayir nai karlen balala Kan kesaru lakkocha.

Yetha Aposthal Paul yek bayar dallema araam chenijethi anandethi badlnaknu Kan Asa kido. Romavaler yajamanekan bayar nai Kam karrejako kuni red vunden ku yista vatho hannu Kam karaleda. Gharema Kam karajako sevakevuthin massaj Kam nazarethi yee Bayan vu Romaval yajaman dekthe kacha. Thodsek baya gharer vakili Kan hubaran gharema avajena javajena taangepar pani redan tukdathi luyyeval. Thodsek bayavo yek balader nai parabhathi pakadan saanjethanu khethvadi karu karacha. Yeej baya Kam chonaken dhasgocha katho ajji vu yaiamaner dall ku puttachko hannu mareja vu Bayan jailema sada ghalnakeja.

Philippivalun 2:7-8 vachanema Prabhu Yesu yee dharathipar aayojana vonvu kamkarlen asmanemar vaibhava chodervenijako rathoi chonaken manikyar sayaama pedavethanu siluvama jaan dajethanu ma kai cheni Kan havaal karlido Kan dekacha. Ajji Yohan 13:5 vachanema vu Prabhu Yesu bayar nai chelavur taange dhothanu bhandmelo jako tavaalethi chelavur taangena dhoyo Kan dekacha.

Philemonen chodan dhasgojako yee Onesimas Abba Aposthal Pauler Kan cha jethi  yee kagadena Onesimasser hathen dethanu yidek dhasan dagaryayojako thar yajmanekan yee kagadena madath devalen demelocha. Philemoner kagad 1:17 vachanema thu yee Onesimasena manna thu lekokaraju hannu lekema lelen balala Kan  Philemonen Aposthal Paul ko.

Aposthal Paul Philemonen Dever sevakareval Katho jada madath karevalo jethi Paul vona namman yee Onesimasena hachethi kethahu abbethethi thoi khyalethin dhakethi thar yajamaner heta rejo Kan kerocha.

Yeej dhak dhadabethi apan sada apaner sevak yajamenevu Kan chaljavnu Kan herdemellenu.