Aug 20 – KHOLAMA ARAAM CHA

Yek jaanvar kholama jaan araam lelaju Prabhur Athma vundena araam devalocha

Keri jeevanema reda vunchon heta racha. Thodsek vagathema vuncher gatlapar anandethi racha, thodsek vagathema heter kholama ankir hasu redthe riyya. Thodsek vagathema ameer vejaye, Thodsek vagathema massaj appu vethanu gareeb vejaye. Thodsek vagathema sthuti araadhana karan anandethi khushithi racha lapan ajji thodsek vagathema Devethi cheti vethanu laar padajan Devenaj sangan vyathirekvagi dagarjavu karacha.

Kunvatho asso kholmavathoi Prabhu Yesuthi bhalan chalachko vundena araam malacha. Prabhu vor navlerir nai chajako sabhan dekan thu Kholamar kamalero phulchi Kan balarocha. Jethij Yeshaya 63:14 vachanema Prabhur namer mahima vasu vor jannen kholama chalavacha Kan dekacha .

Y9bu23:10 vachanema ma chalujako vat Mar Prabhuna malam kanna ma angarer kholama javuchoko bhar avajana anmoler soner nai avuchu Kan Yobu koju, kanna Prabhur hathena apan jhallachako janna viswasmethi thu savvar kai chalachko vu Prabhuj dekalacha Kan bharoso melechi. Hanu chalasjana thar vatema achamer khabarevon  adbhuthavatho chalan avaju Prabhu karacha.

Geder grandh 105:37 Jana vothethi vundena rupethin, sonethi nikalaju kido, vunder valadema jor cheniju yekkithoi rekoni Kan vanchaju Yisraeleval Aigupthemathi bhar ayejannathi Canaanema javajethanu vo Katha javunuko kai khavunuko kai peemachako ajji kai perachako kanna  jamachako malamaj chenithoi vo mundag Dever vumparaj bharoso melmellethanu viswasmethi chalan go jethi Dev vunden diyya modamer sthambhar nai rather vagathema angarer sthambhar nai rethanu araamethi chalayo Jena dekacha.

Jethij Dever vath Geder grandh 37:23 vachanema hach manikyar chal Yehovathi ghat vacha, vor vatena vu prem karacha Kan kacha. Dussar and anuvadema yek bhaktidarer vatena Prabhuj sudho karan chalavacha Kan kacha. Prabhu thona madath karan Thar jeevadana araam dethanu vor niyather vatema chalavacha Kan herdemellenu. Abba tharo jeevadana araam chavnukan kelastho Prabhu dekalajako niyather vatema chaler seeklenu.

Ajji jada dyan karen pado  Mathai 5:40-41 Koi yek thapar dhavo ghalan, thar jhagalana khenchlenu Kan kelajena, thar Lathani chodnak.