Aug 18 – VATH MANAJEMA ARAAM

Hebrivalun 3:18 Vujji Mar araamema vo jasakkenikan, vu kervadi sogan khado ? Vath maanekoni jervadij konika?

Kanna apanen soganer jagema lejavacha katho, vu Parama Canaanema, yee jegema dee thara admin jaagaj maleni, vundema vathmaanenijakon ajjek viswas karenijako. Jethij Hebrivalun 3:19 vachanema Hanu vunder aviswasethij, voma jayer vokonikan dekacha.

Dever vathevuna kannai nankis dallethi dekmath. Kassen katho Labbari karena vu Dev manikya sariko koni. Dev kannai taali jayer vathe kareni. Vu Dev veda Kan kersath vu vegicha. Agna dino Jana vu thamgi Kan malam karlenu. Jethi thu Dever vather mundag nankyas beptar nai maanlenu.

Ginthir grandh 20:24 vachanema chaju Mosethi Dev thu yee bhatathi vathe kar katho Mose hey yee bhatamathi vathe karetho paani Katha avacha Kan dee haptha vu bhatana vor hathemar lakadithi maro. Vu dekan Dev Moser Dai athanu tham vo Mariba kajako panir jagema Mar vathen manekoni jethi thu vu Soganer Canaanema jayeseni Kan kenako. Yetha aviswasethi vath manekonijako Mosepar Dever reesen never nai bharayijena dekacha.

Canaan kathoj araamethi vasser jag. Votha vassarejako jann sey vath maneval koni jethij vunden dalkarnaken Dev Yisraelevalen denako. Dimovupadeser grandh 8:20 vachanema Dev vath manekonijako Yisraelevalen dekan thamsada Mar vath manekoni katho thamar mundag aado ayikako deshevun haal karnakoju thameji haal karnakuchu Kan ko.

Premevalavo yee pap kajako Adam Havvar vath manekoni jethi abbethanu vu peedir peedithanu aaricha. Lapan Philippivalun 2:8 vu Prabhu Yesu  manikyar rupema dakan, mothethanu hanu katho siluvar mothethanu vaath maanan vorovuj halko karlido Kan vanchacha.

Vuj thara Abrahamer jeevanema dekatho vor jeevanema payojako sey ashish keval Dever vathen manojethij.

Ajji jada dhyan karen pado Hebrivalun 5:9 Vu puro barobbar vojer pacha, vona maanleval heryeki shaswith rakshan payena kaaran vego.