Aug 18 – HAIBA INBADA POTTHABA!

“mahakki potthabada makhoina changloi haina kanada Iswarna wasakkhibage? Madu haiba indaba makhoida nattra?” (Hebrews 3:18).

Prabhuna eikhoibu wasakpiba lamda chingbiba matamda, haibadi Canaangi lamda,maduda mioi kangbu ani na  Iswargi potthabada changloigadouri. Ahanba kangbu aduna haiba indaba, aduga anisuba  kangbu adudi thajadaba. Aduna makhoina thajadabagi maramna changba ngamde haibadu ure.” (Hebrews 3:19).

Iswargi wahei asi keidoungeidasu thaoidaba touganu. Iswar asi migumna oidaba nganggadaba nate. Aduga mahakna aremba wasu ngangloi. Maramdi mahakna nganglammi aduga madu thabak oina thokkhi. Mahakna yathang pikhi, aduga maduna chetna leppi. Angang macha amagumna Iswargi waheida nollukna pisinduna haiba ingadabani.

Matam amada Iswarna Mosesda nungjao aduda wa ngangduna Israel machasinggi damakta ising thokna hairammi. Adubu Mosesna thajadabagi wahei oina asumna ngangthorakkhi, “ eikhoina masigi nungjaodagi nakhoigi damakta ising puthok ura? Aduna Iswargi haiba indabagi damakta makhut thanggattuna madugi nungjao aduda cheida anirak kallammi.

Aduna Prabhuna Moesta asumna wa ngangduna hairammi, eina Israel machasingda pibiraba leibak adudda mahakna changloi,maramdi nakhoina Meribagi isinggi matangda eigi wagi maiyokta lamhenkhi.” (Numbers 20:24). Madugi numitta Iswargi wayenba adu yamna mayek sengna thoklakkhi madu, Israel machasingna haiba indaba amadi thajadabagini.

Canaan asi pothaba lamni. Masi ching tampak na thanba lamni. Maduda leibasing aduna Iswargi wa indabagi Iswarna makhoibu tanthoktuna madugi lam adu Israel machasingda pibirabani.

Karigumba Israel machasingnasu Iswargi haiba indrabadi kari touba tabra? Sastragi waheina mayek sengna warning piri, “nakhoina nakhoigi iswar Jehovahgi wa indrabadi, nahakki mangda Jehovahna jatisingbu tumna manghankhibagumna nakhoibusu manghangani.” (Deuteronomy 8:20).

Iswargi machasing, mioibagi khwaidagi ahanba pap adu haiba indabani. Aduga Adam amadi Evegi haktaktagi mioibagi jati asida pap amadi haiba indaba asina adum sandokkhre. Adubu Prabhu Jesunadi mapum phaba haiba inbada pisinjakhi. Mahakna angang oiringeidasu mapa mama Joeshp amadi Maryda mapum phana pisinjakhi. Aduga mahakna Swargagi mapa Iswradasu mapum phana nollukchakhi aduga siba phao haiba inkhi, Crossta sikhi. (Philippians 2:8)

Abraham gi punshi adu mapum phana Iswargi  haiba inkhi. Mahakna haiba inbagi damakta mahakki jati, mahakki mising,yum thadoktuna Iswarna utkhiba lam aduda chatkhi. Mahakna mapum phaba haiba inbada amadi thajabada mahakki amata ngairaba machanipa adubu phankhongda katkhirammi. Abrahamgi yumlep chara oinaba amadi Iswargi machasing oinaba haiba inba haibasi yamna maru oibani.

Dhyan tougadaba: “aduga mahakpu mapung marei phahanbire, mahakna haiba inba makhoi pumnamak ki damak mahakna lomba naidaba aran khubamgi mapu oire,” (Hebrews 5:9).