Aug 12 – YUDHA CHENIJU ARAAM MALERO

2 Dinvruthanther grandh 20:30 Yeej prakar voro Dev gheran vethejako sejini jeethan Yehoshapather rajya araamethi vetho.

Kanna Yehoshapath vor Dever vatema niyathethi chaloko Jana von jayamevalo karnako. Prabhuj vor vyariyuthi ladai maran Yehoshapathen jayam laan dino.

Dever vath Yehoshapather rajyamema gachabaj vethojana Dev vona jayam dino Kan vanchacha. Hannuj kanna thu Dever agnavun manechiko Jana thon sada aramena devalo Dev cha.

Yek yadi vor gharemathi parabhathippor 3 ghantan vutan vo gharer laarer vakalemathi bhar dagar javunu Kan keldi. Atho Prabhu vona koni thu mundager vakalimathij jo Kan ko. Dev dilossan kidojako vathen samalan vathoi vu garabethi Dever vathena manikonjju, vut parabhathij laarer vakalemathi bhar javunu kelen vor dappen bhar melersath vo yadin malam cheniju yeklo kuthra votha betothocha, vo andhrema vu kuthrar vumpar taang melnaki jethi vu kuthra vona kaatan ghav karnako. Jana vu yadin aspathrima ghalnake. Vu ghavethin rogethi vaaru vena Justhi meena pakadi, jerpacha vona aspathrimathi Laan gharem beganake, vu varu vikoniju vor jeevanero dadosari shanthi samadhan cheniju banchi kacha.

Dever vath ku lakkan chako hannu thar jeevanen chalalen lejavunu Kan Deven thonthuj havaal karlenu. Jana kuni denijakon Kathi malenijako moto samadhan shanthi thar dallema palan karacha. Dever vat seji samadhaner vataj. Kanna yek manikyar vat Deven pasand vejavachko Jana vor vyariyuna sada vothi samadhanvagi raju karnakacha.

Fransis Assissi kajako yeklo Dever sevak yek jhader heta Dever vathen baantrotho,vu saanjer vagath jethi vu jhad kathraiko hazar pittivuna vasser gharer nai vethi Jana vosey pittivo yekjag golavethanu massaj anandethi a avaaj karrethe, vu aatethi Fransis Assissi Dever vathen kerochu tham anandethi karrejako avaajen ghadik thamadnaken gachab Dever vathe samlo vejavajerpacha thamar aaten tham karlo. Kan kersath vo sey pittivo vu sevaker vathen maanlen Dever vathen kero puro vejavajethanu gachab regey.

Thu Dever vathen kanna maanechiko janna yee sari srusti thar vath maanacha Kan herdemellenu.

Ajji jada dhyan karen pado  Yeshaya 55:12