Aug 11 – BACHANEMA ARAAM

1 Rajer grandh 8:56 Kimkatho- vu kidojako sari bachanevun Yisrael kajako vor jannen araam dinojako Deven stuthi vena,vora sevak Moser vadithi Dev kidojako shubh bachanevuma yekthoi puro veniju chutgikonthi.

1 Rajer grandh 5:4 vachanema  Abba manna vyarivo yekthoi naraju Haan kareval kuni kareniju mar gherana mar Dev manna araamethi rakadmelocha kan Solomon vor bap David Yisrael rajyamen vor hathen dinojer pacha kerojako gavai.

Dev thar araamenan shanthina chori karnakejako thar vyariyuna cheniju karevalo cha. Thar vyarivupar khator dushmaner nai vu Devaj thar vacha rethanu thona araamen devalo cha. Jethi yee araamen thu swadheen karlenu.

Dimo vupadeser grandh 33:29 vachanema vo, Yisrael thar nasheeb kathra moto cha,Yehova rakshan dinojako thamar dakal kuncha? Vu thona madath karevalo daal thona chodayevalo thalvaran thara vyariyo thar vath manajummaj racha lapan thu vunder vuncher jagevuna khundnakechi Kan bachanen Dev derocha.

Yek manikyar gherana vyariyu ratho vona ajji araamaj reni, kassen katho vu vyari kukan sadhyavaju mar vumapr padan Haan karachko kethanu Hai karacha

Yek vath hannu gachab kelatho thar beta 10ganta vatho gharena hoto aayokonthi, Jana thu thar betar bagey mar beta abbethanu gharen aayokonthi Katya chako kai karrochko? Kan hayi karechika? Nathkan haramethi lighten valanaken gachab sojachika. Soseni kunika yee khabar thar araamen gamanakacha kunika.

Canaan deshem Yisraelevalen 7 deshevona 31 rajevo vyarir nai vethe. Vo seji dikavanaju dagarjavajethanu ajji vunden jeethajethanu Yisraelevalen assal araamaj vethikoni. Yehoshuar dadema Yisraeleval yesejithi yudha karan jeethge. Nevu karevaler dadema voj Yisraeleval araamethi banche Kan dekacha.

Vuj thara David 40 varas voro vyarivuthi yudha karan sejini haraanaken Yisraelevalen araamen laan dino. Jethij ajjek 40 varas Davider beta Solomon palan kidojana asal yudha kajakonaj cheniju araamethi jannen palan kido Jen dekeja. Yee dademaj Deval bhandagin, Yerushalem yek Kota goda chajako mot sherer nai thayar  vegi.

Yee araam keval Dev dinojako bachanethij puro veecha. 1 Dinvruthanther grandh 22:9 vachanema Daviden huvajako beta Solomoner bagey Dev thona huvajako beta samadhanen layevalo racha, vor gheran chajako vor vyariyuna cheti dalkarnaken vona Ma araamethi rakaduchu jesaru vor naam Solomon Kan paad, vor dadema Yisraelevalen samadhanen araam raju daya karuchu Kan bacha dinotho.

Mar premer Dever beptavo aaj Yesu Prabhu calvary siluvama thona araam duchu Kan bachan demelocha vona thu swadheen karlastho ajji sey bachanevo thar jeevanema puro vejavacha.

2 Dinvruthanther grandh 14:6