Aug 10 – Asanggem Maranji saring Luluna!

“Gamangtungan, Gamangtung-hen a d’ong gameten, Hen j’eng-Nam apsele bo haradwbperdan ambrij, asanggem mar-Namji endrang dakkuai sikkoi ja, Aman jandrumsi-Hen goba” (Sanenken 110:1).

Manaridan a mandrengn abhanaben abmele bibolan gadlamlangten,agamten abernan manaridan sadle, buteja Gamangtungan a d’ong gijle adraptie

Kristumaranji abmele manaridan jznjzn murdadam. Manaridanna batte mandran a d’ong abtangorte do gamangtungan a d’ong gijle raptite. Bibolan gamte: “Marid uggar maranji man’oihdam, iten asan gamlenden aninji Kitungan a d’ong gijteji.

Bogad buteja rajan a sidrung-lingan maidamten, bo bigarda ganijtan batte gijtate. Bogad amben bo surda offici-lingan agante, amben bo bangsa ganijtan batte agijtaben dete. Kun ambrij, Kitungan a tanurdun-lingan janang boi boi kalkaldam ahangben, manaridan adakulenden (Kolosi 1:21-22).

Bogad amben agalambendete ‘Kitungan agijben abmele’, amben barijloge a kznolben dete Kitungan abadlohim-maranji abmele. Papwr anosaijan do tabme anosaij-lingan. Agalamte badlohimmaranji Kitungan batte ahalenanjin ate. “Enok Kitungan ampara gorodlen a tiki anin ganittan addead, iten asan gamlenden.

Kitungan Enok a d’ong am’eng-d’ongan urungeten. “Noan Kitungan batte gorodle, “Abraam a d’ong Kitungan a gardin gamle ganudingan dele, “Gamangtungan Mojes batte armukka mukka arberleji. Mandrengnaben ja Kitungan a d’ong agijben do Anin batte ahanaben dete.

Amben Kitungan a d’ong gijle adraptie taniytaiyanji do bo baran batte. Delenden gijle adraptite pwrardan Kristu abmele hangleden. Orde dile dina Kitungan abmele baran lumlenden. Amben gijle araptite Kitungan a d’ong, sattang Marid mandrengna batte (Jon 14:23).

Daudo saile Kitungan a d’ong agijben abmele. Anin idolle, “E Kitung, Aman na Kitung-hen do hen d’ong-Nam umeng sanilsaijtam. D’an ahadlen asarsol desa lingan pwrarda-hen Aman apsele anargalan daku do jelu-d’ong-hen Aman apsele malitsumdate”.

Gijban jaru anitsuman batte Daudo gijle Kitungan a d’ong, kun atena amandrengna abmele sanaisaidam dakule. Manaridan a mandrengna abmele, Kitungan a d’ong agijben itsumte, dile tagaddaban (1 Tesolonikianji 5:23).

Okiy Kinolbe absele: “Ayengan digab dinna lingan GAMANGtungan d’ong-ben satid samoihan do kanalkalan saring, do itente a boantadage a baran amben a lumle, kan saring d’ong-ben lulunan tiyte” (Jisaiya 14:3, 7).