Aug 02 – ARAAMEN KU DHUNDLENU

Mathai 11:29 Ma saano chu naram dallero chu, Mar kadina thamapar mellen Mar Dai seeklo,Jana thamar Athmana araam malacha.

Jada manikyan araam ku dhundlenuko malam cheni. Araamethi rero vaten dhundema achamethi massaj admin rathoi, vachanema aramen kaaran kai cha Kan malam karacha. Yee vachanevuthi araamen ku dhunlenuko seekleja.

Aajkal jagema chajako manikyavuma araam cheniju, shanthi cheniju,raathan diyya dhakethin bhavetithi banchrecha. Jada manikya, ‘ kassenko manna rathona neend aarikoni, mannaj malamcheniju mar dallema dhak padrochu, Mar jeevanema shanthi kajakoj malam cheniju ‘ chu Kan kerecha. Ajji kai vunden araam dachako sada malamcheni. Vunder jaanema araamaj cheni. Samudrema tharangavun araam cheniju Mando Kamen karevaler jeevanema Saha araam reni. Yee jagena mundagaj chodan dagargejako athmavun araam cheniju, vunden marjavajer pacha sada vu angarer khayema araamaja maleni kasen katho vunden sejini agarer vungalima bheganakamlecha.

Darshaner grandh 14:11 vachanema Vunder bhavetir dhu jagu jaguthani nikalacha, jeevarasinan vor mutharena dhokdajenan, vor named mudrana maralajako heryekeni rathan diyya araam reni Kan kacha.

Prasangi 2:23 vachanema Solomon genidhar hannu kacha, sey manikyar dado seji velathin,vor Kam bharithi cha, rathvona vor dallema araamaja reni, yee seji vyardhaj.

Geder grandh 116:7 Mar dall, Yehova thona sok dinojethi thu thar araamena pharjo Kan vanchacha. Aaj vathoi vu Dev apanen thar jeevadana jeevena Athmana araamesam phar kethanu balarocha.

Kanna vyarivo Yisraelevalen yudha karen avajanna kella vunder dallema araamen gamalethanu voseji yekkaj dallethi Prabhur vacha aayeval. Jethij 2 Dinvruthanther grandh 15:2 vachanema Azarya Dever Athmathi bharan Yudulevalenan Benjaminevalen dekan , Mar aaten saamlo tham vu Prabhur vacha revotho vu thamar vacha racha,tham vona dhundlotho vu thamen malacha, tham dur karlotho vu thamen chodan dagarjavacha Kan sey jannen dekan ko.

Yee vathen samlajanna jann sey yekkaj dallethi yekkaj Athmathi vunder vadbuder Devena dhundan vu Prabhur vacha yek bachan dethanu ham pap kidecha Bapu hamena maap Karnak Kan araj aratho, dher vu Prabhu seni chavnujako araamen devalo vetho. Jethij vu Prabhu sey Dever jannen vunder vyariyuthi chodan vunder gheran shanthinan araamen dinoju dekacha.

Ajji jada dhyan karen pado  1 Rajer grandh 5:4