July 28 – Anabsittan a Janggardan!

“Bindo dile mandran a dong Janggardan a panemeng ranaptin banangsan asan taniyan daku” (1 Korintian 12:7).

Kan bo bangsa anab-sittan beran Ruang-Rajaman a daneben abmele, Banagge-j’e marge. Bangsa anoblingber a surda-lingan, anlen kznoltabe bagu mandranji agarberan abmele sareba-singba, bo mandra ate Parusis do bo mandra ate jalebmar. Parusis ate surdamara dakule do bo dirna maran gamteji 1 Korintian 12 do 14. Do Galantian 5:22-23, do pintu mar gamle ganaman dele.

Jaleb-maran ate anin rom agobornoranji saring ahangte ate, Parusis tanangle do garberlen gamle anin dirna-mar, anin anamna lumte bagu dinna palli-lingan do a galji mihtuban janang. A garberan anindaman a dirnna abmele do akznsana. A garbaran batte ganalaman dele do anindaman lanagadan agasa gamle.

Kitungan galamle. Bindo jaleb-maran butente sagaidam tanangle, ruangban gijgijledam adrabtead, bindo taddamlen gamle ‘Kitung, asuyemih aboi hen pintu maranna!’. Itan asan gamlenden alagaddamna, kan amandran a d’ongan janjan dele Kitungan batte.

Kitungan saile lanagadan, Ruangan a Rajamling aganben do erahidan  anabsittan a mandrengna mukkababen daku. Anin absuilangten man’oihan do Ruangan aa Rajam, mandrengna j’on do mandrengna aranubaban. Anin gamte d’ongben: ‘O’n-Hen, Dangardi-on-Hen, bogad aman banagge-j’en batte lanagadan amandrengna abhanalenden, barij ruang rajaman amben batte dakute’. Bogad kan ordar-lingan asui ayam abmele lagadamlen dakulenbenden awrloge erahidan anabsittan hangtabe.

Angante amben alagaddamten ambendaman Kitungan amangban, Anin d’ongben abdaainate ruang-lingan. Amben pedde agandite, Ruangan arajam aganben abmele, taniytiyan alumben dete, banangsa do anamnan. Kan janang ajardina, aparamantan ruangan a rajam asangan ariben abmele banagge-j’e adeben dete. Kitunglen Jisun janang gamle, butente laggaddamten anindaman.

Tanahimdam Kitungan a onagji, Kitungan a d’ong tiyba barij itsuman batte. Amben janang ahangte atanimyiman do awrloge anabsittan adete. Bo sanna pasijan ambrij bo surdadagge anin abmele ruang rajaman hangte. Kan ordaran d’ongben m’ahateji alaggaddamtenan asan, bindo kzlkzldamnaba ruangan arajaman abmele. Aimba Kitungan absidte kznsa-maranji a d’ong, bindo asuyeman batte lanaggad-maranji jate (Galantian 5:22-23).

Kitungan saring dele, Bar Jisun a d’ong adnabpengbaen a dilejanggardan” (Jikoriya 2:5)

Okiy Kinolbe absele: “Iten asan gam1enden dajing mandranji Kitungan a Janggardan batte’ anabanjengan deteji, aninji Kitungan a onggeronanji na” (Romi 8:14).