Aug 01 – POTTHABA!

“Choktharaba amasung potlum pubasa,eingonda lak u,eina nakhoibu potthahanbigani.” (Matthew 11:28).

Nahakna salla amabu masagi potlum adubu thangthaba matamda mahakna haraoduna chonggani. Aduga maduna sanjabungda chatkani aduga sajik chagani. Nahakna nanthabiba matamda mahakna yamna nungaiba phanggani. Aduga kalen nungsa marakta irujabirabadi mahakna yamna haraogani.

Papki poppu puriba mibu Prabhuna handokpibani, aduga Calvary phaoba chingbi, aduga Mahaki ee tahanbiduna sengdokpibani. Mahakna mibu asangba sanjabungda yatahanbi aduga aruba ising irenda pubi. Masigi mapanna Iswarna thawai amabu achouba potthaba pibi.!

Prabhuna satangi popu thugaiba matamda,achouba ningkha tamba ama lakkani aduga haraoba amadi potthaba phanggani. Numit aduda asumna thokkani, lanmi tenggolsinggi Jehovana hai, eina nahakki nangaktagi mahakki potup thudekkani, nahakki lumlising thadatkani, aduga mireibak machasingna amuk hanna makhoibu minai oihallaroi.” (Jeremiah 30:8).

Matam amada  Malaysia gi manung channa leiba Penang mapham aduda drug chaduna leiba naha singda Pastor amasina Iswargi wapao sandoklammi. Mahakna makhoida Christagi maramda sandoklammi,haijabirammi, aduga makhoibu church ta pusillammi. Makhoibu mama mapasing amadi doctors singna hundokpikhraba mising oibaniu. Aduga makhoina Iswarda changlakpadadi makhoi adu drugs ki panggaldagi ningkha tamba khak natana makhoi adubu madugi heinabidagi ningkha tamduna maduna amukka hanna chadre. Makhoi adu dharmachenbasing oikhre aduga makhoi aduna ningkha tamna Iswargi minglenbu thagatkhre. Makhoina satanphaoba singnaduna asumna laothoklammi: “ Prabhuna eikhoigi addictiondagi kanbire. Aduga nahakna eikhoibu amukka hanna  minai oina thamba ngamlaroi,maramdi eikhoina Christa Jesuda anouba khutsem oikhre.

Hoi,satangi potpu adu thugaiba mikuptagi houna eikhoibu mahakki minai oibagi bondidagi ningkhra tamba hourabani. Aduga adumna ningtamkhraba mising aduna Prabhugi maphamda changsinduna makhoina  Prabhuda haraona potthaba phanggani. Aduga makhoigi punshida Thawai mahei adu yangani.

Prabhuna maichou Ezekielgi mapanna asumna wa nganglammi:aduga lamgi upalna mahakki mahei yangani amasung malemna mahakki mahei marong thok hangani. Aduga makhoina makhoigi leibakta asoi angam leitana leigani, eina makhoigi potpu thudekkhiba amasung makhoibu minai ohankhiba makhoigi khuttagi makhoibu kanbikhibada, eidi Jehovahni haiba makhoina khanggani.” (Ezekiel 34:27).  Iswargi machasing,adukki matik yaipharaba punshi phangnaba Iswarna eikhoibu koubibani. Aduna madugi ingtha nungaiba punshi phangnaba Prabhuda changjarasi.

Dhyan tougadaba: “maramdi thajariba eikhoibu madugi potthaba aduda changkhrabani. (Hebrews 4:3).