Aug 01 – ARAAM

Mathai 11:28  Bhavetithi bhari padeval thamsey Mar dayi aavo, Ma thamen araam duchu.

Yek baladeparer bharo padamelejako kaadin het vutharnakatho vona kathraiko araam malacha, kaatmelejako khadena khadekan lejavatho khushithi khavacha, ajji vona thadakema lejathanu thatho panithi hangoli karavatho vochkalan vochkalan kudu karacha kunika.

Yesu Christhu Prabhu sada yek manikyama chajako paper kaadi hetethi chodanakan vor calvary siluvama redojako loyeethi vu kidojako papevun dhonakevalo cha. Vu Prabhu haro khader vacha chalan,shanthir panir Dai manna chalayevalo cha. Yethi Prabhu Mar jaanen araamethi rakadacha.

Yirmia 30:8 vachaner prakar Prabhu sathaner kaadin thonaken apanen anand khushin devunchu Kan swathanthratha derocha. alaysiama Panang kajako yek gamema yeklo sevak motyarevo vunder jeevanen Mando hevavuthu nishama vagathen haal karlere vunden sejini yadi baap ajji doctors hath chonakethe assur kan jaathanu vunden Yesu Christhur bagey hach khabar prakat kido,yee khabaren Voseji samalan vunder Mando hevaro jeevane Prabhu Yesu Christhun havaal karnaken vu nishama ajji kannai jamani Kan yek ghat theermana karan sathaner hathemathi chodathahu rakshan palen dall badlalide Kan dekacha. Vosey hamen badlavni kidojako Prabhu Yesuj Kan gavai dine. Yeej gavayin Ezekiel 34:27 vachanema Bhakthidhar Ezekiel kerocha.

Ajji jada dhyan karen pado Hebrivalun 4:3