Aug 29 – ATMA PRA DIYE JIBON!

John 6:63 “itu ase Atma jun diye Jibon; gau pora labh nakore. Hobdo khan  juntu Ami koi apuni ase atma aru tai khan ase jibon”.

Khushi, juntu ase saans te Jibon laga, hari ase bishi porivaar te. Tate nai iku jibon bishi girja khan ke. Jun khan jilike iman ujala pora Isor karone atit jibon te, ase itya nathaki kene jibon; tai khan ase kuhumia gorom tai khan laga atma te – juntu gorom bi nahboi aru juntu thanada bi nahoi. Sob itu khanase kilekoile tai khan diyanai jibon diya laga Atma ke kaam koribole tai khan laga jibon te.

Sobse zaroori vishehsta Pobitro Atma laga ase jibon diya. Pobitro kotha tea mi khan porhe Atma ke Isor laga uri thaka pani laga uporte Tai sob jontu khan ke nirmaan nakora agete (Genesis 1:20). Judibi itu prithibi ke nirmaan kori loishe itu thakishe khali aru iku akaar nathaki kene;a ru andhera thakishe sob jag ate.

Toh, Pobitro Atma uri thakishe pani laga uporte, bonabole jiyai thaka jibon. Jinika ekta murgi tai laga and ate boni kene bacha ulai, Atma Isor laga urishe prithibi laga uporte juntu ke bonaishe khali aru akaar nathaki kene dibole itu ke jibon. Aru khali itu pora hi sob puhar , janwar aru chiriya khan ahishe jibon te.

Atma Isor laga kaam korishe nirmaan te manu laga. Isor pora bonaishe manu ke mati pora. Judibi tai ke bonaishe chavi te Isor laga; aru iki samaan te isor laga di kene thakishe tai ke boilebi tate jibon thakanai. Toh, Isor saans dishe jibon laga tai laga naak te.a ru manu bonishe ekta jiyai thaka jibon. (Genesis 2:7).

Isor bhoi kora job pora koi, “Atma Isor laga bonaishe ami ke,a ru saans Sarvashresth laga dishe ami ke jibon” (Job 33:4). Hoi Atma diye jibon. Kinika apuni taza koribo aru anibo jibon porivaar khan te, Girja khan te, aru desh te jitya apuni hi jibon nai? khali judi Atma kaam kore tagot pora, tini hoile hi tai khan hobo taza aru dibo jibon.a ru isor pora dikhabo itu Tai laga nabi Ezekiel ke. Ami khan porhe Pobitro Kotha te ki Isor pora rakhishe Ezekiel ke majete haddi laga ghati te aru hudishe tai ke, “lora manu laga, ki itu haddi khan  jiyabo?”

Isor pora dikhaishe kinik utu sukha haddi khan ke bi anibo paribo jibon te. Isor pora koishe: “Ami anibo rag apunite aru anibo gau apuni te, dhakabo apuni ke chamra logote aru dhalibo saans apuni te”. Toh, judi Nabi Ezekiel drishti koishe haddi khan iki logote ahishe haddi pora haddi. Rag aru gau bonaishe ahishe utu uporte, aru chamra pora dhakaishe tai khan ke; hoilebi tate thakanai saans (Ezekiel 37:7-8). Tate mahaanta nai saans nathakile. Isor laga bacha khan, ki apuni bi dibo Pobitro Atma ke ahibole apuni uporte; apuni laga porivaar aru apuni laga desh te, koribole dangor kaam aru dibole jibon?

Aji dhyan koribole laga pobitro kotha tu hoile Romans 8:11 “hoilebi judi Atma Tai laga jun uthaishe Jisu ke mora pora thake apuni te, Tai jun uthaishe Krista ke mora pora dibo apuni ke bi jibon apuni laga mora gau te Pobitro Atma dwara jun thake apuni te”.