Aug 30 – ATMAKARIK MANU!

1 Corinthians 2:15 “hoilebi tai jun ase atmakarik faisla kore sob saman khan te, hoilebi tai nijor ke thik pora faisla kora nai kun bi”.

Pbitro kotha pora bhag kore Isor laga bacha khan ke duita bhag te: tai khan jun atmakarik ase aru tai khan jun ase gau te hi. Tai khan jun ase atmakarik ke loi jai aru sikhai Pobitro Atma  pora aru bonai thik barhibole tai khan laga atmakarik jibon te. Hoilebi tai khan jun ase gau te bisare pura koribole icha khan ke tai khan laga mon aru gau laga.

Bhabna kori kene vishehta khan ke atmakarik manu laga Pobitro kotha te koi, “Tai jun ase atmakarik faisla kore sob samana khan te”. Hoi tai pora koribo sob hoshiyar  hoi kene; aru nakoribo iku bi jodl bazi te nahoile bi najani kene. Tai prathana koribo aru bisaribo icha ke Isor laga; bhabna kori kene judi itu ke khushi kore nazarte Isor laga; aru agh barhe.

Sabi jibon te chela paul laga. Tai laga jawan homoi te, tai jaishe age tai laga icah khan logote. Hoilebi jitya tai bura hoishe, tai pura dishe tai laga jibon ke loi jabole Pobitro Atma pora. Isor Jisu saishe Peter ke aru koishe, “hosabi, Ami koi ase apuni ke, jitya apuni jawan thakishe, apuni gherav hoi kene thakishe aru beraishe jote apuni icha korishe; hoilebi jitya apuni bura hoishe apuni hath age koribo, aru dusra jon pora gherav koribo  apuni ke aru loi jabo jote apuni icha nakore” (John 21:18).

Pura dibi nijor ke loi jabole Pobitro Atma pora. Vyabahar koribi mon di kene sob te ji apuni kore. Agete apuni lua laga iku faisla bi, hoshiyar hoi kene manibi judi utu faisla thik sidha ase kotha te Isor laga. Prathana koribi aru bisaribi gyan ke Isor laga aru sabi judi itu khushi kore Isor ke. Sabi ki apuni laga bhabna koi ase apuni ke. Aru zaroori homoi te apuni bi hudibo lage salha ke aru bisaribo lage salha ke dharmik manu laga Isor laga aru Isor laga bacha khan logote. Pobitro otha te koi, “kintu judi ami khan faisla kore nijor ke, ami khan nahobo faisla kora manu” (1 Corinthians 11:31).

Sabi anubhav ke Raja David laga. Tai nomro korishe nijor ke maujudgi te Isor laga. Tai nirantar prathana korishe inika: “bisaribi amike, O Isor, aru janibi ami  laga monke; sabi ami ke, aru janibi ami laga chinta khan ke; aru sabi ami ke judi iku biya rasta ase ami te, aru loi jabi ami ke hodai din laga rasta karone.” (Psalm 139:23-24).

Isor laga bacha khan, jitya prithibi sai apuni ke, pabole dibi apuni ke ekta atmakarik manu te;a ru nahoi ekta manu gau laga. Joldbazi nahobi; namilabi nijor ke kaam nathaka jag ate aru haribole. Hoilebi hoshiyar pora manibi aru koribi saman khan ke, ki apuni hodai jit pabole.

Aji dhyan koribole laga pobitro kotha tu hoile Luke 20:21 “titya tai khan hudishe tai ke, koi kene, “guru, ami khan jane ki Apuni koi aru shikhai thik pora, aru Apuni nadikhai asaman faisla ke, hoilebi shikhai rasta ke Isor laga aru hosa laga”.