Aug 31 – APUNI JUN ATMAKARIK ASE

Galatians 6:1 “bhai khan, judi ekta manu ke jitiloi iku rasta te bi, apuni jun atmakarik ase aru dibi inika ekta atma mriduta te”.

Chela Paul mate ami khan ke aru Galatian girja ke inka ‘apui jun atmakarik ase’. Tai khan jun ase atmakarik thaibo lage atma mriduta laga tai khan te. Jitya apuni sai kunuba ke kora golti, nahoilebi biya jani kene nahoilebi najani kene, tini hoile apuni dubara rakhibo lage tai ke, ekta achurit morom  logote a  ru logete mridut atma logote.

Mriduta hua tu ase bishi dorkaar tai khan karone jun khan ase atma te. Pobitro kotha te koi, ki mriduta ase phal atma laga (Galatians 5:22-23). “ashirbaad ase nomro khan ke, kilekoile tai khan pabo pritthibi ke” (Matthew 5:5). Nomro ha tu komjuri nahoi. Mridutta pora niyantar rakha tu darpok nahboi. Hoilebi tai khan jun ase nomro, koi Krista Jisu ke tai khan laga jibon te. Khali mridut hua nahoi, tai khan koi aru dikhai shanty ke bi manu khan majete. Dusra hath te, tai khan jun ghamandi ase aru swadrarmik pora uthabo nijor ke aru bisaribo golti manu logote,a ru anibo bhag ke.

Ki ase apuni laga stithi? Ki apuni ke bi pai dharmik; nahoilebi gau te? Abraham thakishe duita lora. Ishmael, jun jonom hoishe gau te. tai hodai hi mazar udai diye Isaac ke. Hoilebi Isaac  ke hodai hi paishe atma te mridut laga pura tai laga jibon te.

Rebecca ke bi thakishe duita lora:  Esau aru  Jacob. Esau thakishe ekta manu gau laga. Hoilebi Jacob thakishe manu atma laga,a ru paishe ashirbaad khan Isor laga.

Jitya gehu ke ugai kheti te, itu te ulai dhan, jote gehu thake. Hoilebi kheti gehu laga, tate aan nokora gash khan bi. Itu nishina hi, duita manu bi jabo pare iki girja te; hunibo iki samachar ke; purh bo iki bible ke. Hoilebi ekjon hobo atmakarik aru dusra hobo gau te. Tai khan jun atma te ase, pabo phal ke atma laga. Aru jun khana se gau te, pura koribo tai khan nijor gau laga icha ke.

Hoilebi itu prithibi laga hekh te, Isor pora alag koribo tai khan jun ase atma te; aru jun khan ase gau te. Tai pora alag koribo jinika dhan ke kore chamra pora. Tai pora lag koribo bher aru saguli khan ke. Pobitro kotha te koi ki, “dhan kata hia se hekh srishti laga” (Matthew 13:39). Dhan khan gehu laga joma koribo bhoral te, hoilebi chamra ke jolai dibo. Isor laga bacha khan, judi apuni jiyai atma te, mridutta loi kene, apuni bi anondit hobo hekh te srishti laga,ar joma koribo swarg te.

Ajo dhyan koribole laga pobitro kotha tu hoile Romans 8:1 “tate itu karone itya nai iki ilajm tai khan ke jun khana se Krista Jisu te, jun khan naberai hisab te gau laga, hoilebi hisab te atma laga”.