July 25 – TARWAL ATMA LAGA!

Ephesians 6:17 “aru lobi kawach udhaar laga, aru tarwal Atma laga, juntu ase byko Isor laga”.

Pobitro kotha pora ami khan ke anumati nadiye prithibi laga tarwal ke lobule; tarwal gau laga; nahoile tarwal ami khan nijor gyan laga. Judi  bi ami khan chare, aru loi inika iku tarwal bi, itu khali hekh koribo haar te hi. Hoilebi Isor pora dishe ami khan ke khas tarwal: tarwal atma laga.

Tarwal Atma laga ase ekta dangor hathyar di kene ami khan ke lorai koribole khilaf te satan laga. Jitya amikhan lorai kore utu tarwal logote amikhan kitya bi naharibo.a ru utu tarwal pora hodai hi jitibole dibo ami khan ke aru pabo ami khan jit.

Itu kilekoile Isor Jisu thakishe itu tarwal hath te, ki Tai loge loge charishe itu ke jitya satan ahishe Tai laga porikha lobule.

Jitya itu anokha tarwal Atma laga, juntu ase byko Isor laga?pobitro kotha te koi, “kintu byko Isor laga ase jiyai aru shaktishali,a ru dhar iku dui phine dhar thaka tarwal pora bi, chenda kori kene atma arum on ke, aru gatthi aru majja, aru itu ase buja laga bhabna khan ke aru icha khan ke mon laga” (Hebrews 4:12)

Dhyan dibi bishes khas suvidha khan te tarwal laga atma laga. Itu ase jiyai thaka; shaktishali; dhar; chenda kora;a ru buja laga. Itu bishi zaroori ase ami khan karone thakibole khas tarwal Atma laga amikhan laga hath te. Khali tini hoile ami khan khara koribo khilaf te aru jitibo atmakarik duth khan ke biya laga swarg laga jaga te.

Tate bishi ase jun khan najane Bible laga podh khan ke. Jitya tai khan pai bishi samasya khan te tai khan najane pratigya ke Isor laga, jitibole utu samasya khan ke. Tai khan najane adhikar di kene thaka  ke biswasi khan uporte Isor laga byko dwara. Isor dukh pai ki Tai laga manu khan more, kilekoile najana pora.

Ami laga age jibon te,a mi laga ama baba sikhaishe ami ke bishi Atmakarik podh khan e. bishi podh khan ke dhalishe ami laga mon te Sunday bible School te,a ru seva kora homoi te.a ru tai khan ami khan ke seva korishe ekta niji hathyar nishina atmakarik judho laga.a ru tai khan modot korishe ami ke tagot koribole bishi biswasi khan ke.

Porhi thaka aru dhyan kora byko  te Isor laga, shuru pora chutu homoi te, anibo dangor ashirbaad pura jibon karone. Isor laga bacha khan, asol karone ekta khas annugrah karone ase byko te Isor laga, kilekoile itu te ase Atma aru jibon. (John6:63, Hebrews 4:12). Itu karone itu pare dibole jibon atma ke.

Aji dhyan koribole laga pobitro kotha tu hoile Jeremiah 23:29 “ki nahoi Ami laga byko ekta jui nishina? “ koi Isor pora, “aru jinika martol bhangai pathor ke huru te?