July 25 – Janggardan a Kardiban!

“Bar janang ranabraban a ranubbob luangan, do Janggardan a kardiban hamba, antate Kitungan a bernan” (Eppisi 6:17).

Ordardage pintu mandrengna abhananaben hangdrangdageted. Kan ate boi boi kalkaldam pintun aboantan ambrij a mengnaben, kan ambrij amandrengna d’ongben kznoraiban urungte. Butente adnayar-j’ene pintun saring, amandrengnan er sanabyun dakute.

Angante amben Kitungan Jisu Kristun a d’ong ajate mandrengna-ling-ben, etiden amben aboi hangdrangdage amandran delaben ambendaman abmele, birindaben.

Kitungan do erahid-mandrengna saring, Anlen bibol-lingan kznoltabe bo boantan abmele Onesimos gamle.

Anin Pilemon a s’inglingan boanta-mar dakule do abumung a gamangan saaring dunglen yireten, ergadlamlabe. Kan ambrij bernan dakule pwrba-ayam-ling, butente yiresidte, pandradan do ateng baran batte anabasudan dete. Onesimos butente Pilemon amang saring sagai yirreten (Ebri 4:12).

Rom desaban, kun ayam-ling Pol barondi-sing-lingan dakule. Kitungan a suyeman batte, do Pol baran batte, Onesimos hangle anablun. Gijba hangam anin banadan dele angante Kristu-lingan yiraiten. Butente er handramdage dakule a pwrban ayamling.

Kitungan amangba do anappai Pol amangba hangdrangdage dele. Engale Kristu birindalingan mailen, anin janangan aboi Kitungan a onan gamle ganudingan dele. Angante Pol idolle anin abmele, anin gamle: “On-Hen Onesimos, Tanolbad lingan a dakulaian adnang u’an delih.

Anappai Pol arasuda-lingan dakuleja, Onesimos amandrengna-lingan Kristun adhange sikoija, anin gudingle a ondaman ambrij. Agajanangden amben pintu-mar orde ermarid maran ambrij anurang detaben Kitungan amangba, agajapo bangsale aogandile kun abmele.

Angante bo mandran Kristu-lingan yirtai, anin tabme ganadilan batte banandan dete, do kuddub papwran ate sindte. Tanahimdam Kitungan a onagji, aimba yangam Kitungan d’ongben timyimte (Jon 6:63, Ebri 4:12). Anin d’ongben bandale apwrba ayam pitu-boanta-linga dakulen.

Okiy Kinolbe absele: “GAMANGtungan gamte, Berna- Hen togin ambrij, ijja po? Bar arengan padlangle, abrarditen a ondaneban ambrij, ijja po?” (Jirimiya 23:29).