July 22 – Janggardan Lingan Derdernaba!

“Iten asan gamlenden Kristu Jisu lingan a mandrengnan a Janggardan a anosaijan pintun do karahidan a anosaijan saring aburihten” (Romi 8:2).

Kitungan Jisu ablute barij kanalkalbenji, lanumudan aranptinji, banzmbzman do saring anuran. Angante Jisun hanangan tiyle aboi sinagun abmele, Anin gijle aboi inslobojan, butente banzmbzm-lingan dakule mihgal-tudru mihnum sikkoija?

A d’ongan tanolbadan dele do anindaman delen adrabtead. Anin a d’ongan gudingle amangba, asin abjable do absamangle, kan ambrij ayam-ling layumna dinnan dakule. Bindo sinagun a dane-mar adnisumad, Jisun a d’ongan absamangle layumna dinna-lingan; do anin gamle onla-maranji a d’ong, “Tudru dinna mandran abaranaben dete.

Aten asan, yiraiba sananmangan hangba, bindo layumna dinna-lingan ted. Kitungan a d’ongan abyerberle gameten, “Bar gijba, miggal-tudru minhum sikkoi janang duaih suman kan insalon a d’ong tolbadeten. Anin Abraam ansalon a delen asan laywmna dinna lingan.

Kan tanolbadan saring anuran a hangben adde-e po. Yagi bernanji daku kan ambrij Kitungan Jisun agamlen ate, Kun inslobojan Abraam adangardion Sonuman tolbadle dakule mihgal-tudru mihnum sikkoija Anin anuran ahangben dete, Kun apsele anin amangban kanalkaldageted mihgal-tudru-mihnum sikkoija tanolbadan adelen asan, okij bo dinna dakuben dele.

Bindo Kitungan anabdindinad absamangben asan, do anin kuni a dinna-lingan sanamangan ahangben dete gamle, layumna dinna dakuleja. Anin adnogandiad dinna abmele.

Orde dane maran abmele janang. Anin a d’ongan absamangben asan, Anin aboi abraam adangardionan dakule. Dile mandranji butente dertenji Jisu Kristun amangban, abraam aoananji, Daudo ja do Jisun amandranji. Tanahimdam Kitungan a onagji, Kitungan a suyeman asaiben do kan ambrij a janggardan. Ateng janggardaadaage amandrengna abs’idben abmele.

Okiy Kinolbe absele: “Iten asan gamlenden d’ongan J anggardan a dangben. magadte, do Janggardan d’ongan a dangben magadte. Yante gamle itente a lumben a itsumte antate amben rapti adlume, kun asan kan bagunji ardangdangtenji” (Galatianji 5:17).