July 20 – THAWAI GI KHONJEL!

“Adubu Achumba thawai aduna lakpa matamda nakhoibu achumba khudingda lamjingbigani…aduga tungda lakkadaba adugi maramda phongdokpigani.” (John 16:13).

Nangbu lamjingbinaba mi ama nahakna phangkhiba matungda nahakki thamoigi awaba potlum mayam adu mangkhragani. Mathakki verse asida eikhoina uba phangba adudi Thawai asengba asina eikhoigi lamjingbiba mapu adu oiri aduga Mahakna tungda lakkadaba maramda eikhoida phongdokpiri.

Eikhoigi punshi asida lambi ani phangba maphamda toina leptuna karamba lambida chatkani haiba chamamnaba matam lei. Eikhoina lambi ama adu khankhige hairabasu madugi maramda eikhoina khangba watpana maram oiraga ngamde maramdi eikhoida  lousing leite.

Adubu Thawai asengba asidi khudingmak ikhang khangbanina eikhoigi punshigi hiram khudingbu khangi, madu ahoubadagi aroibaphaoba khangbi. Mahakna khudingmakki maramda ikhang khangbana maram oiraga eikhoibu lamjingbibada mahakna matik chai. Aduga mahakna eikhoibu lamjingbibada keidoungeida lam serannaroi. Prabhugi lamjingbiba aduna eikhoigi punshida lomba naidaba bor adu pubirakkani.

Thawai asengbana eikhoida leiba asi kayada angakpa nungairabano? Nahakna Iswargi wahei asi leppa leitana  paba tarabadi Lamjingbiba Thawai aduna nangonda phibam thoudok khudingda chanaba wahei ngangthokpa ngamnabagi lousing adu pibirakkani. Sastrana asumna hai, “ maramdi matam aduda nahakna nganggadaba adu Thawai asengbana nangonda tambirakkani..” (Luke 12:12).

Thawai asengbana phibam thoudok adugi matung inna nganggadaba achumba wahei adu nannggi leitonda happigani aduga nahakpu yamna heisinglaba amadi lousing leiraba mi amagumna ngangba ngamhangani. Matam aduda pakhonchatpa Peterna ngangthorakpa  lousinggi wahei adugi maramda mi mayamna ngaklammi. Mahei masing tamdaba Peterna adugumlaba lousinggi ikaikhumnaba yaba waheising ngangthokpa adu angakpani. Thawai asengbana Petergi chitthising asi Sastrana manung chanhanbire.

Thawai asengbana Paul amadi Barnabas bu makhoigi anigi ministryda angakpa maongda lamjingbirammi. (Acts 13:2). Ministry gi ahoubadagi lamjingbirakpa mahak aduna aroiba phao lamjingbirammi.

Iswarna nahakpu aroiba phaoba lamjingbinaba nahakki khutsing amadi thamoi adu pisinjou. Mahakna Alpha amadi Omega ni. Mahakna eikhoigi thajaba houdokpiba amadi aroibasuni. Nahakna Iswarda mapum phana pisinjarabadi nahakna karisu kiningai leitre. Nahakki thajaba apumba adu Iswarda thambiyu aduga Mahakki maphamda potthabiyu.

Philip adu Samaria gi maphamda yamna chouna Iswarna sijinnaba matungda “ Prabhugi dut amana mangonda asumna hairammi, “Hougattuna, kha phangna Jerusalemdagi Gaja tanna kumthaba lambi aduda chatlu”. Madu lamhangda.” (Acts 8:26).  Iswargi machasing, madugi matou gumna Iswarna nangonda thotna amadi thourang toubaga loinana ngangbirakkani.

Dhyan tougadaba: “nanggi nakongna tungdagi nganglakpa khonjel ama tagani, “ masi lambi aduni, masida chatlu, “ nahakna oida oirabasu yetta oirabasu.” (Isaiah 30:21).