July 18 – Janggardan a Anabhana!

“Seletten GAMANG- tungan a Janggardan anin a d’ong abhanaben asan susueten” (Bitsara 13:25).

Bogad amben abriylenanden itente Kitungan absuibenten kun asanengsengan batte, eteden amben bo surda dainan batte amben a ontungte. Banangsa abmele asanuten do barij dernan batte.

Yagi er sabyun daku bo Kitungan aboantan abmele orde bo dernamaran abmele, do kun ate aboi lebun, dane do anabs’idan. Angante anlen anappai Pol amandrengna abmele gijtabe, manaridan batte, anin kan abmele bangsale galam.

Anin gamle: “Sanaisai-hen do turdu-mar-henji sanaisaijan abmele kan a s’inji baraleji, kanate amben a galam” (Romi 8:14)).

Anin lebun abmele agaja kan ambrij adead. Do anten asan amanaridaan amandrengna abtagorle. Iten asan gamlenden anin amandrengna-lingan aboi lebun sattang, anten asan anin edolle kan ambrij, Episi a ranukkuban. Kun ambrij, anin manarid lingan dakaule. Korintian agadlamlen abernan.

Anlen kznoltabe: “Bindo yante gamle bzgarda mandranji a dong hen oblenglaian a tiki, udednang hendam tungna-jaia addeai pedde, kan banantongan asan hen dong-hen tzdtai.

Do dane- hen a jaitan antate boagtage dakkutai”. Anin janang a janggardadage a bernan gadlamle Timotin a d’ong dangarda ayam abmele.

Pol agaluad kan ambrij akznsanad iteja. Anin lagadamlen gamle pintu-maranji saaring murda pintu-maran do surpiddamlen. Ateng janggardadage abmele, kun batte kznsanaben daakulebih do ateng beranji.

Bo surda dane batte mandran a d’ong abs’idte. Anteng Kitungan abadlohim-maaranji kanznsaa-lingan galuleji, bo bigardadage saring janang.

Anappai Pol kun saring anindaman ansadaamlen dakulen. Anin gamle derna-lingan dane-hented bind obo surda.

Kitungan aganuddingan batte dernaben agutulben abmele kan bernan ablingtaaben. Tanahimdam Kitungan a onagji, gaarberan batte mandrengnaben manarid-lingan abtagorba. Pintu-ben pinbaba Kitungan amangba.

Okiy Kinolbe absele: “Iten asan gamlenden butente opungte, antate amben ted. Bindo mang-ling-ben a berten a U’a-ben a Janggardan na” (Mattiu 10:20).