July 17 – ATHMARO NISHANEVO

Yohan 14:16 Ma Bapena puchliyu, thamar Dai hamesharena dusaro yek samjayer sather Athmena thamena dacha.

Apaner Prabhu Yesu  madath karevalo cha. Vu Prabhu vujjek samjhayevalen demelocha vuj Pavithar Athma. Yee Pavithar Athmar bagey vachanema kathraiko nishanevun lakkan cha.  Vo vachanema Pavithar Athmar bagey hachethi dhyan karatho vujji jada vu Athmathi sahavas karacha.

Aposthal Paul Philippivalun 3:8 Athraj koni, maro Prabhu  Christhu Yesuna malam karer gener motpanevas, solina nastakan lekokaruchu Kan kacha. Pauler sari jeevaner Asa Yesuna malam kareroj.

Thriyeka Daivathvamema Pavithar Athma yeklo halkoso Kam karevalo cha. Thodsek admi Pavithar Athmana thriyeka Daivathvamema gokan chajako cha Kan kacha. Bible vignanivo Pavithar Athmar bagey vathe kajana vu Pavithar Athma hamesha vorvuj kai keni lapan Baper bagena Beta Prabhu bagey mahima  karacha. Hannu Vachanema Pavithar Athmar gurchi dhyan karajana vor phal,varala, vor jora moto thakathena nishanevun sada seji malam karlacha.

Apan vudaaharan kematho Bapen herdelamatho apaner mathema  motas samelina sos karleja. Vuj Prabhu Yesur bagey yek gorlir pillar nai sos karacha. Yeej thara Pavithar Athmar bagey sada masaj nishanevun dekeja. Vu Pavithar Athma yek kabutharer nai, balrijako angar kana,Mahan vaaler nai kana ajji kannai halenijako theler nai  chajen vancuacha. Yee seji apan Pavithar Athman aradham karlevasuj lakkamelecha.

Yek vajran thayaar karevasu vor yekek kosa kathraiko jhankaju kossiga karan massaj thelivithi jodacha. Yekkaj kosama vajran deker veni.  Saari vajran dekathoj hachethi dekacha. Hannuj Pavithar Athman dusar dusaro konavuma dekan aratham karlen samajlen  vothi sahavas kareja.

Ajji jada dhyan karen pado Yohan 14:17