July 16 – SHAKTI ATMA LAGA!

Isaiah 59:19 “jitya dushman khan ahe ekta baar nishins, Atma Isor laga uthai dibo ekta thik hisab te khilaf te tai laga!”

Kilekoile satan samne pora lorai koribo napare, tai pora bonabo ami khanlaga mon ke ekta lorai laga maidan. Tai anibo moila bhabna khan ke aru biya sapna khan ke. Jun khan napare khilaf kuribole itu laga, tai ke khai dibo utu bhabna khan pora aru biya koribo tai khan laga jibon ke. Ami khan ke jitibole itu judho, ami khan manibo lage Atma ke Pormeshwar laga ami khan laga lorai  hathyar nishina.

Itu ase rati laga hbomoi te, ki satan kuchis kore ghushibole ami khan laga bhabna jaga te. Tai pora phelabo biya guti khan ke, guti lobh laga aru guti bhoi laga lagai dibo ami khan laga mon tea mi khan laga sapna dwara. Aru tai khan ane guti dukh laga ami khan mon te. Itu karone tai khan uthe bhoi lagi kene, dukh aru shak ahe bhoi hoi kene.

Itu karone itu zaroori ase ki bachai kene rakhibole apuni laga bhabna khan khas kori kene rati laga homoi te. Itu zaroori ase ki apuni anibo lage sob bhabna khan bandhi kori kene manibole Krista  ke (2 Corinithians 10:5).

Apuni hosabi jitibo naparibo atmakarik  judho khan ke tagot pora apuni gau laga. Ami khan manu laga budhi; nahoilebi ami khan laga tagot aru shakti tu iku kaam nathaka laga ase judho te. Moses bhabna korishe ki tai azaad koribo paribo bacha khan ke Israel laga bandhi pora Egypt laga, nijor laga tagot aru shakti pora. Tai morai bi dishe ekta Egypt manu ke aru tupi dishe tai ke balu mati te. Itu kilekoile tai nirbhar korishe pura tai nijor tagot te, ki tai polabole lagishe Egypt pora. Hoilebi mount Horeb te, Isor sikhaishe tai ke ekta kimti sabak; ki itu pare khali Atma pora Isor laga.

Purana niom laga homoi te, jitya Pobitro Atma ahishe uporte samanya manu khanlaga, tai khan bonishe tagot aru shaktishali judho te. Isor laga bacha khan, Pobitro Atma icha kore apuni phine atmakarik judho te. Apuni itu karone dibo lage jaga tai ke apuni laga mon te.

Aji dhyan koribole laga pobitro kotha tu hoile Acts 1:8 “hoilebi apuni pabo shakti jitya Pobitro Atma ahe apuni uporte; apuni bi gawahi hobo Ami laga Jerusalem te, aru sob Judea aru samaria te, aru hekh tok prithibi laga.”