July 16 – Janggardan a Ranaptin!

“iten asan gamlenden GAMANGtungan Na tanongyim lingan anabhana radu yzryzr d’an ambrij, Anin harre yertai” (Jisaiya 59:19).

Drena mandran amang-lingan murdadam. Butedeleja Kristu-lingan badturten barijloge, agaja kalaibelaige, kanalkalge orde dalgadge adde-e. Amben ambendaman a dernaben dete. Amben raduloge adernaben dete Kristu-lingan erudnage etiden d’ongben adkaridae.

Kitung-lingan butente barijloge batturten, ganaroijan adde-e. Nami a dinnaji, ateng kanalkalan batte barij daku, mandran a d’ong abadtongte. Sonuman – a baran, erobjongdage akanalkalan pangtai, erabdaina, abumungtanagadan, bzmbzman do itente anabkalkalanji.

Bo surda baranji abumung itente adeten ate, bo surda tanangadan batte. Sanabyun abs’idtaben do man’oihan do ersaidage arasudanji, angante aldungdage pasijleji a bzrznda-lingan (2 Korintianji 10:5).

Bindo amben er uywbge addedong. Angante amben Kitung-lingan abatturten, do dernaben apemengte, kan a kanalkalanji bandaten. Kan ambrij, itjaja er ogandilebe kun ate asosodage. Angante Israel-maranji murmurloge deleji Kitungan atimangba do mojes amangba kan ambrij gamle, Mojes er uywbdage dele.

Kun asan kan ambrij lumle do gamle bo surda arengan a d’ong do a s’I tiredle do a danggun batte bagu tangor kun areng-lingan tudle. Abkalkalben asan, Tanangdanji yirtai, tanimyiman arasudan (Romi 8:26).

Do kun er uywban batte, anin janang erdernan batte kan ambrij gamle: ‘Kitungan kan arengan saring d’an pangtai po. Kitungan a udgaran boi boi aldungle. Do a baran ambrij, Mojes ardule adrabtiad anosaij desaban. Bo orub-ling Kitunglen Jisun a d’ong adgalamai gamle Anappai Pitor gameten, a j’e-lingan, do Kitungan a mandran gamle anin adjad, angante bo anualan yiraiten bo boantiboijan amang saring. Er galamlaben anin iten lumte, anin Kitungan a d’ong angle dakulen.

Do atanakud-lingan edlen dakuneten. Ajardinan er uywban batte bo surda arasudan pangtai, Tanahimdam Kitungan a onagji, bogad amben Kristun areng-lingan mandrengna-ben agutul-lenden, d’ongben er yuryurge adde-e.

Okiy Kinolbe absele: “Bindo Marid Janggardan mang- ling-ben yeraian a tiki amben ranaptin hangan hangle Jirusalem lingan, barij Juda desan,Sama1-iya desa lingan do ordaran a tannodban sikkoija sakki mar-Henji a dete” (Anappai 1:8).