July 14 – Kitungan a Tanimyiman Janggardan Batte!

“bar danerderan aggabroije, iten asan gamlenden ayengan a Marid Janggardan d’ong—len taniyan dele, Anin batte Kitungan a tanimyiman j’e—ling-len ranuman dele” (Romi 5:5).

Kristu mandrengna, sattang tangoran daku antate j’e-ling-ben adaneben abmele asaiben dete.

Kuni na atangoran Jisu Kristulen asanil-ben dete. Kuni na a tangoran hadab do banandan hangtabe. Anappai Pol gamle: “Hen andreng antate hanglai, orde andreng hadab delih.

Ette ted, bindo antate hen abrijten, yante gamle bogad rapti delenden, itente apsele Kristu hamlih, antate hen rapti hamtai”.  Pol, Kitungan abadlohim-mar, butente hanaman dele anab-yagi riangan batte do butente Kitungan abernan amdangle.

Anin iteja adhangad do anin hadabted. Anin gamdamlen, hen andreng hanglai. Do hadab badlohim-maran. Kristu mandrengnan aboi aboi saring anabhanan dete. Itente anlen asuyeman saring asuyeman hangtabe dile ayam (1 Jon 4:7-8).

Kitungan amang saring, anabhanaben asan. Do barij garberan a mandrengnan batte, anlen ganugun hangtabe. Buteja gamle adraptieji anlen andreng hanglabe orde hadablai (1 Pitor 1:22).

Dirna batte anabhanan, anlen ranaptin ahangben dete. Anlen ogandineten school-lingan pasijang ajaitaben ate (Romi 5:5, Jon 7:38). Kuddub anin nadhangne bo mihnum-lingan. Anin dile mihnum-lingan bo bigarda saring d’ongben urungte.

Do ganalaman do banudin do gananludan hangte. Anin asaiben asan abawrte. Kun ambrij, Kitungan appaite barij baran tangorben, janggarda mandeangnaben. Aboi adilan ranan saring engale atabmadtenji ambrij, kun ambrij bartabmeben (Luk 23:34). Tanahimdam Kitungan a onagji, kan ate ajardinna jaru anogandin batte!

Okiy Kinolbe absele: “Bindo anlen pintu maranji delaben adnang anlen a panardun Kristun kahidle kun abmele Kitungan a tanimyimdaman apsuilalen” (Romi 5:8).