July 13 – AHRAM KORA ATMA UPORTE

Isaiah 28:12 “kunke Tai koishe, “itu ase ahram jote Apuni koribo bhagor ke ahram”, aru “itu ase taza korai diya”; hoilebi tai khan nahunibo”.

Itu Pobitro kotha sikhai ami khan ke ahram koribole. Tate ahram ase calvary laga kruste. Tate ahram ase aru ahram kotha khan te Isor laga. Tate ahram ase maujudgi te Isor laga. Aru sobse upor, Isor pora adesh dishe ahram koribole ami khan ke Pobitro Atma te.

Ami ekta manu ke jane, jun kityabi jhagra  nahoilebi sangharsh kore jitya samasya khan tai ke samna kore. Tai hoilebi jai sunsan jaga tekotha koribole Isor logote. Tai anya bhasha logote koi thakibo aru mahima kori thakibo. Tai itu ke aru koi ki: “jitya ami anya bhasha te koi,itu achurit pora khule dorja khan ke swarg laga. Ami pare sabole rajyo te Isor laga aru Tai laga swabhab khan te. Titya ekta swarg lah=ga shanty juntu bujibo napara ase bhorta kore ami laga monk e ekta nadi nishina”.

Jitya apuni koi rukhi thaka uth loogte aru dusra jibh te, itu pora diye ahram bhagor laga atma ke. Kintu tai jun koi anya bhasha te nakoi manu khan ke hoilebi Isor ke, kilekoile kun bi nabuje tai ke: hoilebi atma te tai koi rahasya khan ke. Jitya apuni anya bhasha te koi tahke, itu pora barhai apuni laga biswas ke. Itu te thake achurit shanty aru ahram apuni laga jibon te. Jitya ami khan pai utu kimti uphar ke Pobitro Atma dwara, achurit shanty ahe ami khan te. Itu karone ahibi ami khan faisla lobo jhagnra nakoribole ami khan laga samasya khan logote ami khan laga nijor tagot te; hboilebi dibo tai khan ke hath te Isor laga, toh Tai ami khan karone lorai koribo.

Pobitro kotha te koi, “inika hi Atma bi modot kore ami khan kea mi khan laga komjuri te. Kilekoile ami khan najane kki ami khan prathana koribo lage , hoilebi Atma Nijor hi kore itu anurodh ami khan karone kandi kene juntu ami khan kobole bi napare” (Romans 8:26).

Itu hi thakishe anubhav ami khan Isor Jisu Krista laga hodai din anond hobole atma te (Luke 10:21). Tate hodai hiulajm lagai diya kahn thakishe Tai ke gherav kori kene. Pharisees, Sadducees khan bhabna thakishe Tai ke morabole. Majete inika biya manu khan laga bi, Jisu anond korishe Isor te. Itu karone kile Tai jabole parishe mantralay te kaam koribole shanty aru anondo te, majete bishi samasya khan laga.

Isor laga bacha khan, Pobitro Atma jun icha kore anibole bharpurn ke Tai laga atma laga, icha kore thakibole apuni te;a ru dibole apuni ke ahram. Jitya apuni khule apuni laga monke Swarg laga kopu, dibo apuni ke inika ahraam?

Aji dhyan koribole laga pobitro kotha tu hoile: “hoilebi junn khan rukhe Isor te notun koribo tai khan laga tagot te; tai khan upor uthibo pankha logote siloni nishina, tai khan dauribo aru nahobo bhagor, tai khan berabo hoilebi nahobo behosh”.