July 11 – ATHMATHI JOR

Yeshaya 40:1 Samjhavo Hava Mara jannen samjaavo Kan Prabhu kerocha.

Apaner Dev samjaayevalon, madath karevalon vodarchevalo cha. Hanno jorethi bharan chalarocha jethij apan haal vejavanaju hubarrecha. Vu Pavithar Athmathi apan banchrecha. Yee jorethi Ann vu chalaro jethij apan banchena madath malricha.

Yee Pavithar Athman Prabhu Yesu demelocha katho vu hamesha apanen jorethi chalayevasuj. Jethij vona samjaayevalo Kan kacha. Kanna vatho apaner dall ghabra javajana vu Pavithar Athma himmath dethanu navvo jeevanema vadden vat vagadacha.

Yohan 14:16 MA Bapen puchliyu, thamar Dai hamesharena dusaro yek samjaayer sather Athmana thamena dacha Kan Prabhu Yesu ko. Vu Pavithar Athma apanema rethanu, apaner sath hamesha revalo katho yee kathra moto nasheeb cha.

Yee Pavithar Athmaj Prabhu Yesu Christhu kemelojako soganevun herdelavacha. Vuj Prabhu Yesur bagey hamesha gavai devalo cha. Yohan 15:26 Baper dayithi MA thamarvas melujakon, Baper dayithi nikalan aavajako Sathero Athma samjaayevalo aavajana, vu Mar Barema gavai dacha Kan kacha. Yohan 16:8 Vu aan, paper vadin, niyathether vadin, never vadi jagathina kalavaju karacha.

Vuj apaner papen kanaken Prabhur mundag sudho hubarkadacha. Yohan 16:13 Sathero Athma avajana, vu soli sathema thamena chalavacha,  Vor vuj vathekareniju vu samalojena sey Ken, avajako khabarena thamena malam karacha.

Ajji jada dhyan karen pado  Yeshaya 51:3