July 06 – CHANGAI ATMA PORA!

2 Timothy 1:7 “Kilekoile Pormeshwar pora diyanai ami khan ke atma bhoi laga, hoilebi shakti aru morom laga aru bhal mon laga”.

Atma bhoi laga ase ekta biya atma satan laga. Itu karone bishi manu khan ani te bi bhoi kore – bhnoi bhar ja laga andhera te; bhoi mora manu ke saa laga; bhoi aghe laga din nimite.

Jitya ekta hingo khabole mon jai dusra janwar ke, itu pora poila dibo dangor awaz tai laga guf apora; aru pura jongol hili jai utu awaz pora. Aru sob janwar khan polabo bhnoi te tai khan laga ahram jaga pora; aru hekh te jai pai hingo laga gufa te hi. Titya hi itu bishi asaan hobo hingo karone khabole janwar ke.

Itu nishina hi, satan bi anibo bhoi agete utu manu laga junk e tai dhuribole napare. Tai pora bonabo bhoi aru kapi bole dibo apuni ke; pabole dibo apuni ke biya sapna khan ke; hobole dibo bhoi motlob nathaki kene;a ru hekh te tai khan bimar te giri jabo aru rog lagi jabo. Hoilebi ami khan laga Pormeshwar – jun Atma ase, Teon ase moromial. Teon nadibi ami khan ke ekta atma bhoi laga; hoilebi dibo atma shakti aru morom aru bhal mon laga. Itu okol alokhik Atma pora hi ase ki  utu bandhan ke khotom kore (Isaiah 10:27).

Isor duth khan laga koi, “nahboi tagot porfa nahboilebi shakti pora, hoilebi Ami laga Atma dwara” (Zechariah 4:6). Sob bnadhan khan satan laga khotom hoi jabo Pobitro Atma dwara. Aru atma bhoi laga polai jabo apuni pora. Shakti Pormehwar laga thake ami khan te; aru Teon alokhik kore  ami khan ke tel pora khushi hoi kene. Jitya tel khushi laga gire apuni laga atma te,a puni changai pai apuni laga sob bhitor laga ghau khan pora.

Pobitro kotha te koi, “hoilebi judi Atma Teonr jun uthaishe Jisu ke mora pora thake apuni te, Teon jun uthaishe Krista ke mora pora dibo apuni ke jibon mori ja gau te Teonr Atma dwara jun thake apuni te” (Romans 8:11). Jitya apuni bohe maujudgi te Pobitro Atma laga; hobi bhorta Atma logote; aru prashansha koribi Teon ke. Notun jibon diye apuni laga morija gau ke. Apuni changai pai sob apuni laga bimar aru rog khan pora.

Purana Niom te, moses rakhishe rod sob dangor khan Israel bacha khan laga, Aaron laga rod logote.  Itya inika hoishe ki dusra din te jitya Moses  jaishe dhip te gawahi laga,a ru thakibi, rod Aaron laga, Levi ghor laga, ulaishe koli phul laga, aru phulishe aru ulaishe poka badaam, utu rod ase gau Pormeshwar bacha khan laga. Isor laga bacha khan, inika hobo pare ki bishi dukh khan ase apuni laga gau te. Hoilebi jitya apuni ase maujudgi te Isor laga, aru bhorta hoi Pobitro Atma pora, apuni pabo ekta notun jibon aru hobo phadaik.

Aji dhyan koribole laga pobitro kotha tu hoile Acts 10:38 “Pormeshwar alokhik korishe Jisu ke Nazareth laga Pobitro Atma logote aru shakti logote, jun jaishe kori kene bhal kaam aru changai ke sob khan ke jun khan bhandhi hoi kene thakishe satan pora, kilekoile Pormehwar Teon logote asile”.