July 04 – ATHMATHI PAVITHAR VERO

Prabhur premer bhai bando ,tham Athmathi pavithar verejethin, sathena viswas karajethin rakshan payena dharghadiyathi Dev thamena taalidojethi,

Thu Pavithar Athmathi saasij pedavenu, vu Athmathi vathe karnu, Athmathi chalan javunu, Ajji Pavithar Athmathi pavithar vejavnu.

Thu Pavithar jeevanen banchen thayaar vejavatho shudh vejavnu ajji pavithremathi vujji jada pavithar vagi daadi banchanu. Thar thu pavithar vatema banchan vu Prabhu chalavajako vatema chal javunu. Hannu banchastho aavajako mahimar vagathema thu pavithar vagi badlavni vejachi.

Jethi Aposthal Paul 1 Thessalonika 5:23 Samadhaner Devaj thamen puro pavithar kariye,  Thamar Athman, jaan, jeevada, puro apaner Prabhu Yesu Christhu avajana, dosh cheniju jathanethi reda Kan madather vathe kerocha. Kasen katho pavithratha cheniju Deven deker veni. Yee pavithratha chavunu katho vu anmoler pavithar loyee redojako Prabhu Yesu Christhur  vadithij vacha.

Vorsaruj Romavalun 12:1 Hanu rethu Mar bhai bando tham thamar jeevadaana pavithar Dever khathrer jeever bhokaner nai havaal karnukan, Dever dayathi thamena puchluchu, yeej tham karsakker Athmar aradhana Kan Aposthal Paul kerocha.

Ajji jada dhyan karen pado 1CORINTHIVALUN 6:19