June 30 – PURO VADDENA AANG JAMA

Hebrivalun 6:1-2    Bharpurero ven aangjama.

Prabhu Yesu Ayer daad Dai  chajethi apan bharpuro ven aang badan jama.  Prabhu Yesu vor bepta pavithrethi renu Kajako aagnar nai banchanu Kan hakkam derocha.

Yee pavithrathan swathanthratha Karlenu katho Christhur gunevun apanerema jamaju karleroj. Yer aratham dadi dadi Christhur sayaama badlajayeroj. Yee yek dad ko meena ko yek varas ko banchero koni. Lapan dadi  kathra kastavathoi yee heva Dever krupathi  savaad karukarnu. Hannuj ma pavithrathama aang badan javunu Kan darshanamer nai thar ankir mundag mellenu.

Yee malkema jada manikyavo lokemar aasan puro karevasu banchu karacha vunden Prabhu Yesu pharan avacha kajako khyalaj Kareni.  Ham asthinan pisaana kamavnu Kan vunder jeevanenaj havaal karlu karacha. Hannu banchrejako akharima dad javaju khayen khoraki sada cheniju aaj banchrejena dekacha.

Aposthal Paul yeej darshanen mundag mellen Mar Dever beptan vu Prabhur aanganema Christhur nai badlanaken hubarkadnu Kan kerocha.

Ma Prabhur hath jhallen barobbar banchanu Kan dhadi chalevalen Dev athmik vagin Dever darshanen dekacha.  Yeej hevama thu Prabhu Yesu Christhur gunema badlajathanu Dever premema,  viswaseman, pavithrathama  bharpurethi renu.

Ma barobbar Prabhuma pavithrethi banchanu Kan kelevalen Prabhuma himmath cha. Jethij 1Yohan 3:2 Premevalavo,  Abba Dever bepta cha. Abbepar Kim remachakan  vujji malam vikonthi. Athoi Vu aan dikavajana vu chajunj apan vona dekiya jethi, vor nai remachakan apanena malam.

Yeklo yek savaal hanu pucho vu kai katho yek manikya Dever dakal bharpuro vesakkachka. Jana vor samadhan hanu ke, Dever dakal kunithoi badlavnivero Keri butha veni. Renu kelatho barpuro manikya venchajako Prabhu Yesu sam dekan barobbarethi bancher seeklenu. Vachanen pharan pharan vanchanu janaj barpuro chajako Prabhu Christhur nai barobbarethi badljamacha.

Ajji jada dhyan karen pado 2 Yohan 3:3 Prabhu Yesuma asso bharoso rakadmelojako heryeki, vu pavithar venchajer nai voni pavithar karlacha.