June 25 – PURNATA BHUGA TE!

Hebrews 2:10 “kilekoile itu mili thakishe Tai karone, bonabole adhinayak tai khan laga mukti laga bhuga dwara”.

Jisu, moromial Putro Baba Pormeshwar laga  swarg te, ahishe niche prithibi tea mi khan nimite. Itu hi mila thakishe Baba Pormeshwar nimite, purnata koribole Isor laga mukti ke, bhuga dwara. Isor pora dikhaishe itu Tai laga chela khan ke. Pobitro kotha te koi, “utu homoi pora Jisu shuru korishe dikhabole Tai laga chela khan ke ki Tai jabole lage Jerusalem te, aru bhugibo lage bishi saman khan dangor khan pora aru pondit aru scribes khan pora, aru moribo, aru uthibo tisra din te”(Matthew 16:21).

Jitya sob chela khan chup thakishe itu huni kene, Peter nijor ke rokha bole paranai. Tai loishe jaishe Isor ke kina rte aru shuru korishe gali koribole Tai ke itu koi kene, “dur hobi itu apuni pora Isor; itu nahobo lage Apuni logote!” hoilebi Isor ghurishe aru koishe Peter ke, “piche hobi ami laga satan! Apuni ekta apradh ase  Ami karone, kile koile apuni najane saman khan Pormeshwar laga, hoilebi manu khan laga” (Matthew 16:22-23).

Manu khan bhabna kore jibon khushi laga. Hoilebi Isor bhabna kore jibon ke purnata koribole bhuga dwara. Manu khan bhabna kore barhabole jibon ke; hoilebi Isor bhabna kore suli te chadhabole prithibi ke Kruste. Manu jun bhabna kore pabole naam ke; hoilebi Isor icha kore dhalibole Nijor ke manu karone. Hobole dibi Krista ke thkibole apuni ke!

*Pobitro otha te koi, “sob jon jun icha kore thakibole pobitro Krista te bhugibo attyachar ke” (2 Timothy 3:12). “kilekoile apuni ke itu dishe Krista nimite, khali Tai ke biswas kora nahoi hoilebi bhugibole Tai imite” (Philippians 1:29). Tate iku mahima nai; iku Rajyo nai krus nathakile. Tate iku purnata nai bhuga nathakile.a rut ate iku rasta nai swarg te, matro khali rasta bhuga laga!8

Isor Jisu sikhanai rasta anand koribole tai laga chela khan ke, hoilebi tayar korishe tai khan ke bhugibole attyachar ke,  shuru pora. Tai koishe, “ashirbaad ase tai khan karone jun kande, kilekoile tai khan ahram pabo. Ashirbaad ase taikhan ke jun khan ke attyachar korishe dharmikta karone, tai khanlaga ase rajyo swarg laga. Ashirbaad ase apuni ke jitya tai khan attyachar kore apuni ke, aru koi kisim kisim laga biya apuni khilaf te misa pora mi karone” (Matthew 5:4, 10-11).

“judi prithibi apuni ke ghin kore, apuni jane ki tai khan ghin korishe Ami ke apuni ke ghin kora agete. Judi apuni prithibi laga ase, prithibi pora morom koribo njijor laga. Hoilebi kilekoile apuni nahoi itu prithibi laga, hoilebi Ami chunishe apuni ke prithibi pora, itu karone prithibi ghin kore apuni ke. Yaad rakhibi itu hobdo ki Ami koishe apuni ke, “ekta naukar dangor nahoi tai laga malik pora”. Judi tai khan attyachar korisheAmi ke,,tai khan apuni ke bi attyachar koribo” (John 15:18-20). Isor laga bacha khan, napahoribi ki Isor berai ase apuni laga phine, jitya apuni jai inika dukh ke paar kori kene apuni laga jibon te. Itu karone, agh barhibi purnata te, itu inshay te.

Aji dhyan koribole laga pobitro kotha tu hoile 2 Timothy 2:11-12 “itu ekta wafadar koa kotha ase:kintu judi ami khan morishe Tai te, ami khan bi jiyabo Tai logote. Judi ami khan bhughi thake, ami khan bi raj koribo Tai logote.”