June 18 – JEEVANO DINIJAKO HATH

rabhuro hathema Preethin kanikara sada cha. Vuj hathemaj achamkalar kamevunan jeeven dacha. Vu Prabhu hathethi cheeper sath margojako jeevyayo Jen vachanema vanchacha.

Vo dadema Yesu Prabhun cheepen aaye. Ajji thodsek admivo ma kuvathoi cheepnu kan prayathna kide. Hannu cheepejako seji vunder jeevanema adbhuthana palide.

Vachanema 18 varsethi per chalrijako beer Prabhu Yesuro ghagren cheepersath varu vethanu  kan dekacha.

Yesu Prabhu mardan vutadan navvo jeevanen denako. Hannu Prabhu theen margejen votado. Vundema deeyen vor hathethi cheepan jeevyavaju kido

Mark 5:21-22 vachanema Prabhu Yesu vor hathema Yaayirer betina paldethanu. ‘ Thali,thakumi, katho Beti thu vuncho vut kan ko. Vu margijako beti jeevyathanu chaakijen dekacha. Luka 7:14-15 vachanema sada Nayin gamema raand beerer betan mardan palden jarejanna. Vona thamadan beta Thu vuncho vut kan kojana vu beta jannaj vutan vathekido kan dekacha.

Aaj sada Vu Prabhur hath thona thar jeevanen cheeparocha. Atho thu thar papeman sarapema mardven rechi. Mando vatema chalan thu Prabhuthi door vegochika?  Prabhu manna cheepan Vor mahimaro vajalo mar vumpar aavanu kan araj karastho? Vu Prabhu thona saasij cheepan banchaju karevalo cha. Jana thu rakshan palechi. Aposthaler Kam 16:31 Aposthal Pal yek jailer adhikarin- Prabhu Yesu Christhuna viswas kar, Jana thoon thar katamaler sey rakshan paavachakan ken, vonan vor gharema rajena sey Dever vathena samalan rakshak payek dekacha.

Aji Jada dyan karen pado Geder grandh 98:1 Yehovana Navvo geed gaavo, acham kalar kamena kidocha, vor jamman hathan, Vor Pavithar khavvo vona jeethaju kidicha.