June 19 – HATH KHAN DAS LAGA!

Psalm 22:16 “tai khan chenda korishe Ami laga hath khan ke aru Ami laga theng ke.”

Israel te, tate kiba niom thakishe das khan nimite. Judi tai Hebrew ase,tai kaam koribo lagibo tai laga malik nimite choi saal nimite, aru itu pichete chari dibo. Aru judi tai shadi kuri ken ease, titya tai ke chari dibo lage tai laga maiki aru bacha khan logote. Aru itu pichete tai azaad ase; jabole kot hoilebi; nahoile kaam koribole vyapaar te bi.

Hoilebi judi utu das morom kore tai laga malik ke aru malik laga porivaar e, aru jabole mon nai azaad oi kene hoilei thakibole mon tai laga malik aru porivaar khan logote, tate ekta niom thkaishe Israel te, utu stiti karone. Tai laga malik tai ke nyayadish logote anibo. Tai anibo taike dorja tok, naholebi dorja laga khuta tok, aru tai laga malik tai ke chenda koribo tai lag kaan ke ekta sooa logote; aru tai seva koribo malik ke hodai din karone (Exodus 21:1-6).

Toh, judi apuni lok pabole ase ekta das ke tai laga kaan chenda thaki kene, tini apuni janibo ki tai kunba ase jun morom ore tai laga malik ke; aru jun mana korishe azaadi ke; aru faisla korishe thakibole tai laga malik logote.

Isor Jisu loishe ekta das hisab tea mi khan karone. Ekta das nishina,taidhulaiashe theng khan  Tai laga chela khan laga. Pobitro kotha te koi, “Isor Jisu, Isor laga roop te, loanai itu ke chori kora iki hobole Isor logote, hoilebi bonaishe Nijor ke iku maan nathaka, loi kene nijor ke ekta das nishina a u ahishe manu karone” (Philippians 2:6-7). Sabi Tai ke, jun loishe roop ekta das laga apuni karone

Israelte, khali ekta kaan das laga jun icha kore thakibole tai laga malik logote, chenda kore. Hoilebi Isor Jisu, jun loishe nijor ke ekta das hisab te, jun icha korishe thakibole ami khan logote, chenda korishe Tai laga hath khan te aru Tailaga theng te (Psalm 22:16).

Isor dikhaishe Tai laga chenda thaka hath khan aru theng thak Thomas ke aru dusra chela khan ke (Luke 24:40). Itu jugedi, Tai koi ami khan ke ki Tai ase ami khan logote itu prithibi ses nahoa tok; aru thakibo ami khan logote sob din khan tea mi khanlaga jibon laga. Tai koi ami khan ke ki Tai kitya bi nacharibo ami khan ke nahoilebi naphelabo ami khan ke.

Maujudgi utha Isor laga bhorta korishe pura swarg aru prithibi ke. Swarg te, tai ase Uncha Pondit jun adhivakta kore ai khan karone Baba isor ke, dikhai kene Tai ke jokhom khan Tai laga theng aru hath khan laga. Utu iki homoi te, tai milishe sob isor laga bacha khan logote;a ru thake ami khan te, ekta aramdata nishina. Kiman bi dangor avsar ase itu; aru kiman gehra ase Tai lagamorom ami khan karone?

Aji dhyan koribole laga pobitro kotha tu hoile Hebrews 2:15 “aru charibi tai khan ke junkhan bhoi dwara mora laga thki jaishe hodai din laga nbandhi hoi kene”.