June 04 – Kaparda Lingan Tambedte!

“Bar antate rabanglen a tiki anin a kaparda lingan antate man’oihan batte tambedte. Bar a s’ingban ardulen a tiki anin a gardinji do a toitoising maranji a d’ong gudingan gudingle gamte, Hen ampara m’oihnaba, biten asan gamlenden ayengan a murkundarda- medan ardodle antate hen rabanglai!” (Luk 15:5-6).

Kun asurdaa suyeman asan aninji m’oihdaleji. Amben janang butente butente danukka-lingan dakuji a d’onganji babyebaji, engale Kitungan sayamle. Bibolan gamte: “Ayengan a mandra banagge maranji a d’ong sintate, anin man’oihdam; anin a kanalkal ayam lingan Gamangtungan anin a d’ong rabrabte.

Amben agalamtepo yangam danukkan mandran amandrengn abs’ite, ateng enegoinan ate amben agalamte. Bibolan gamte: “Mandran a j’e lingan kanuddin anin a d’ong ablaginte, bindo bangsaberan anin a d’ong abm’oihte. Angante amben akinolte Kitungan abernan barokij barokij, j’e-ben babyete, do danukkaben abkaridate.

Dile ayam kinolba, kuddub danukaben sagaite do man’oihan barijloge ahangte. Satid samoih-hen ayam lingan kanin na banabye-hen; anosaai-Nam d’ong-hen abadlzngtih. Bakurdi gonta dingtaben kuddub bibolan atabkudben abmele. Aten asan, bogad Amben bo gonta abmele a kinollenden. Pedde amben tabkudle arabtite bakurdi-dinna-lingan.

Orde bokurdi dinna, bogad amben a kinollenden bagu-gonta dile dinna-lingan. Amben bo tagor bibolan a kinol asusulenden, monaben babyete, babyele bartabmete janggardadage a amndrengna. Iten asan gamlenden aparamangtan dajing bernan anidan dele, dijte – bernan anion a hanangan asan anidan dele, ‘yante ‘- gamle anidolberan a uywb-sanayen do banabyen. Batte anien danerderan rapti hangtabe”, barij bibolan kinolle atiyj’e-naben dete.

Kan batte amben surda banabyen ahangte. Aninna sattang badrijte asuyeman do a tanurdun batte. Aten asan Anappai Pol man’oihan batte aadhimle ‘barij banabyen a Kitungan na”. Bindo a karidadong kan abmele bo bardika sattang ayam abmele, iten asan gamlenden Kitungan kuddub kanalkalanji sabgaile d’ongben babyete. Birindabenji pedde asangemtabenji. Orde aboi saring aboi kanalkal-lingan dakutaben mandrengna-lingben. Aninna sanayaman do Anina banabye.

Bibol-lingan anlen kinol-labe anappai Pol sattang abadyead bindo Anin bigardaji a d’ong janang babyele’. Anin gamle: “Iten asan gamlenden kuddub kanalkal-ling-len Amn babyetalen?

Yante gamle itente a hanabyen Kitungan batte anlen banabyen detabe. Kitungan banabye Kitungan, kun batte dile kanalkal lingan a deten a mandranji a d’ong anlen rapti abbabyetabe!’ (Mattiu 11:19). Banabyen’ gamlenden sanabyun do ranabdun pangtai. Tanahimdam Kitungan a onagji, kunina a Jisun Kristun d’onglen babyete do sanabyun tiylangten.

Okiy Kinolbe absele: “Bar yante gamle Anin pintun pangle a S’zdben asan panunggen dele, antate amben a galam. Bar Anin amang lingan ajitn’d janang pintun agassa” (1 Jon 3:5).