May 27 – Kitungan a tanurdun do Pwrarda!

“Anin pwrarda-hen absamangte; Anin ahimdaman apsele roitadgod lingan d’ong-hen urungtih” (Sanenken 23:3).

Gamangtungan boiboi langkadam dele janang oseng maranji apsele asuyemgijte.

Ateng mandranji oganditeji bigardanji alumtenji a bara ganaroijdage. Anlen daman kilkilnaben dete. Kitungan, labaddi maranji a d’ong Anin asuyeman tiyte. Bo dinna bo mandran saroban saring yireten.

Jandrumanji batten tambigarda-godan sanle. Anin ogandile kun ajandruman agadben abmele tungnadam orde itja gamle. Angante kan ambrij gijle, Jajinganti ayamlen angante Kitungan a mandranji Jangardan a taniytiyan batte yirtaji. Iten gamte bibolan ganagadan abmele.

Amandranji lagaddamtenji, do anabgugun ayengan. Kitunglen Jisun Kristun lagaddamlen tiydamneten U’an aitsum alumben abmele (Bangsa Hanang 18:14).

Kan ambrij a lagaddamna aninhanglen kun ayam-lingan anabgugun dele, Do buten yirte anlen abmele. Angante U’an Kitungan anualan amdangle, Orde bogad Kitungan a baraling hanamdraman dete.

Delejanang, ateng j’ole jandruman, erkinsalenben. Anin ruang rajam lingan murdadam, Butente abjaitadamten anin ganugun hangte, Aninji bigardaji a d’ong gijgijteji. Aninji lagaddaman apsele Jisu Kristun amang. Saring a hangnaben dete iten ambrij dakule Jisu Kristun a lagaddamana.  Bar Anin mandradage abg’ittalen.

Tagad labaddidamlen, karahidan, u u arakaddang lingan a karahidan. Sikkoi a manne-eten, Anten asan butente kan a sanna passijan ambrij lagaddamten, Do kinsan batte. Anab-bagu lingan, Gija, E Kitung, itsum Nam a manneben asan‘Hen yertai.

Anin lagaddamlen do manile. Do kinsan batte. Gamle kambolan, a‘ aneded ol lirigan Hen abmele anidan daku. A mihaman alaben asan, anlen abmele.

Tanahimdam Kitungan a onagji, amben amangba goble lagaddaman abmele hangnaben dete.

Okiy Kinolbe absele: “Anten asan Hen Anin a d’ong surda maranji ampara tanuban tiytai, do Anin radu maranji ampara en ranuju bittin bantzle pangte. Iten asan gamlenden Anin sby karahidan sikkoi ja ansla cbpwrardan rubmaeten, do anosai manedde maranji rampara Anin danisaman dele. Dele janang Anin atenganji a pintu birdaran tambedle, bar anosai manedde maranji stab apsele labyu garberre” (Jisaiya 53:12).