May 25 – YOJNA MANU LAGA ARU BIYA KAAM KHAN!

Isaiah 25:4 “kilekoile apuni tagot ase dukhiya khan karone, ekta tagot dukhiya khan ke tai khan laga dukh te, ekta sahara tufan te, ekta chaya dhoop pora; kilekoile phatya biya khan laga ase ekta tufaan khilaf te bera laga.”

Bishi biya manu khan apuni laga khilaf te khara koribo pare. Nahoilebi apuni samna kore bishi jhagra te aru chunoti khan te apuni laga kaam laga jag ate. Inika homoi te, prathana bishi zaroori ase apuni karone dava koribole jit ke inika biya atma khan uporte.

Prathana Isor ke, shanty koribo bishi hungama janak stithi khan te aru sthir rakhibo hagaor khan ke aru itu laga dhar ke. Rahasya prathana laga ase Ki Isor pora dubai dibo dusra khan ke apuni laga agete.psalms likha David por akoi: “isor pora dubai dibo manu khan ke ami khan laga niche, aru desh khan ke ami laga theng nichete”(psalm 47:3).

Judi Isor nadubai  manu khan ke apuni agete, tini hoile jhagra aru chunoti khan lagatar thakibo. Dava koribi jit ke uporte atma manu khan laga, prathna kori kene; aru uporte biya adot khan laga aru niom manu. Aru prathana koribi ki apuni bachibole gussa, khong, lobh aru babicharik icha khan manu laga

Solomon bonishe raja jitya tai jawan thakishe aru iku anubhav nathaki kene sorkar laga. Hosabi, tate bishi tagot manu khan thakishe bishi anubhav logote; aru dangor gyani manu khan bi. Hoilebi jitya Solomon nirantar prathana korishe Isor ke, Tai dubai dishe manu khan ke agete Solomon laga. “tai uthai diya dukhiya khan ke mati pora aru uthai diye bikhari ke chai laga dhul pora, rakhibole tai khan ke rajkumar khan majete aru bonai pabole rajyo ke gaurav laga” (1 Samuel 2:8).

Sabi jibon ke Daniel laga. Tai jaishe Babylon ekta naukar hisab. Aru Babylon laga gyan (naholebi shaitan laga gyan) tai khan ke lagu korishe tai kahn laga uporte jitya tai khan rajyo te thakishe. Hoilebi jitya tai prathana korishe Isor ke, Isor bnaishe tai ke dos guna bishi gyani sob gyani manu khan pora Babylon laga.

Judibi Raja Babylon laga ekta biya manu thakishe, Isor dikhaishe tai ke ekta sapna raja laga aru itu laga baykya koishe, jitya Daniel aru tai laga sathi khan prathana korishe Isor ke. Kilekoile itu karone hi, tai khan rukhaishe khong te raja laga aru pashe paksh tai pora.

Prathana nirantar koribi manu kha uporte aru janwar khan uporte, cholai kene adhikaar  juntu Isor pra apuni ke dishe. Prathana bodlai stithi ke,  jhagra ke aru chunoti ke apuni laga aas paas te; aru apuni bi bodli bo manu ke apuni laga usorte. Prathana anibo maujudgi Isor laga aru gaurav ke Isor laga apuni te. Aru apuni goshna koribo paribo: “ami koribo paribo sob saman khan ke Krista jugedi jun tagot kore ami ke” (Philippians 4:13).

Aji dhyan koribole laga pobitro kotha tu hoile Psalm 91:7 “ek hazar girbo apuni laga phine, aru dos hazar apuni laga dahina hath phine; hoilebi itu na ahibo apuni laga usorte”.