May 16 – Rzngrzng Tulab do Tangoran!

“Gijba, Hen aboi tabme baran lumtai; kanate namihen padabte, antate amben aggalame po? Hen rzngrzng tulab lingan tangoran abmetai, do lakkijsol desa lingan alonji amdungtai” (Jisaiya 43:19).

Mandrengna-lingben anabgugun sanaisai po, Orde bo surda dane mar a deben orde abhanamar adeben, eteden lagaddaman dakupo. Eteden ambendaman lagaddamlen adakuten? Lanagadan battena ganugun a hangte, Jajingante a kanalkalanji batte birinda-lingan kanalkalan yirtai. Bogad bo mandra kan ambrij lumlenden”. Runkkulen erdakulenben, bo sanna berna asan.

Anab-yagi lingan, Bigardanji amanglen, Ateng kanalkalanji sagaite pedde, do sanabyun deteben. Agajanangden er ganaludan dakute birinda-lingan. Anin gijle bo radu jandruman tanangle daku Labyu-bablen daku. Kan ambrij anlen a bigardanaben abmele anogandin pangtabe. Ateng mandranji oganditeji bigardanji alumtenji a bara ganaroijdage.

Anlen daman kilkilnaben dete, Gamangtungan boiboi langkadam dele janang oseng maranji apsele asuyemgijte. Dile ayam Kitungan do mandran amangba lagaddamnaba. Kitungan, labaddi maranji a d’ong Anin asuyeman tiyte. Bo dinna bo mandran saroban saring yireten, jandrumanji batten tambigarda-godan sanle. Anin ogandile kun ajandruman agadben abmele tungnadam orde itja gamle. Kitunglen Jisun Kristun lagaddamlen tiydamneten U’an aitsum alumben abmele.

Kan ambrij a lagaddamna aninhanglen kun ayam-lingan anabgugun dele. Do buten yirte anlen abmele, Angante U’an Kitungan anualan amdangle. Amandranji lagaddamtenji, Iten gamte bibolan ganagadan abmele, do anabgugun ayengan. Angante kan ambrij gijle, Jajinganti ayamlen angante Kitungan a mandranji Jangardan a taniytiyan batte yirtaji. Orde bogad Kitungan a baraling hanamdraman dete.

Delejanang, ateng j’ole kun a jandruman, erkinsalenben. Anin ruang rajam lingan murdadam na (Mika 2:13).

Butente abjaitadamten anin ganugun hangte. Aninji bigardaji a d’ong gijgijteji, do kinsan batte. Aninji lagaddaman apsele Jisu Kristun amang. Saring a hangnaben dete iten ambrij dakule Jisu Kristun a lagaddamana. Bar Anin mandradage abg’ittalen. Tagad labaddidamlen, karahidan, u u arakaddang lingan a karahidan. Sikkoi a manne-eten. Anten asan butente kan a sanna passijan ambrij lagaddamten. Anab-bagu lingan, Gija, E Kitung, itsum Nam a manneben asan‘Hen yertai.

Gamle kambolan, a‘ aneded ol lirigan Hen abmele anidan daku, Anin lagaddamlen do manile. Tanahimdam Kitungan a onagji, amben amangba goble lagaddaman abmele hangnaben dete.

Okiy Kinolbe absele: “Kun ayam lingan gardenji aleban ambrij zrjabteji, do mobmo maranji a l’anganji obman’oihan batte kenteji. Iten asan gamlenden rzngrzngm bitulab lingan d’an do lakkijsol desa lingan halidan Senal es gutsurre dungte. Tagi lakkijsol lingan abo mormori bandan dete, ararasol lingan dungdamdan dete; buranji a barasu do a darimadna darakuna lingan ajzngan do billan a tulaban dete” (Jisaiya 35:6-7).