May 01 – Banangsan do Man’oihan!

“Iten asan gamlenden aman s’idam-nam a baran a j’on jumte; seletten aman banangsan do man’oihan detam.” (Sanenken 128:2).

Sanenken 127 do 128 Mandrengna-lingben anabgugun sanaisai po, Orde bo surda dane mar a deben orde abhanamar adeben, eteden lagaddaman dakupo? Eteden ambendaman lagaddamlen adakuten. Lanagadan battena ganugun a hangte.

Jajingante a kanalkalanji batte birinda-lingan kanalkalan yirtai. Bogad bo mandra kan ambrij lumlenden, bigardanji amanglen, ateng kanalkalanji sagaite pedde do sanabyun deteben.

Agajanangden er ganaludan dakute birinda-lingan, kan ambrij anlen a bigardanaben abmele anogandin pangtabe. Runkkulen erdakulenben, bo sanna berna asan. Ateng mandranji oganditeji bigardanji alumtenji a bara ganaroijdage, do bo surda baran ganabdelan dete.

kan ate aboi bibolan saring dele. Anlen daman kilkilnaben dete iten gamte bibolan ganagadan abmele do anabgugun dete ayengan amandranji lagaddamtenji, Gamangtungan boiboi langkadam dele janang oseng maranji apsele asuyemgijte. Anten asan butente kan a sanna passijan ambrij lagaddamten.

Anin ruang rajam lingan murdadam na, butente abjaitadamten anin ganugun hangte. Kitungan, labaddi maranji a d’ong Anin asuyeman tiyte. Bo dinna bo mandran saroban saring yireten, jandrumanji batten tambigarda-godan sanle. anin ogandile kun ajandruman agadben abmele tungnadam orde itja gamle.

Anin gijle bo radu jandruman tanangle daku. lagaddamlen daku, labyu-bablen daku. delejanang, ateng j’ole kun a jandruman, erkinsalenben, bindo labyu-bablen (Saneken 78:5). Angante kan ambrij gijle, a j’e-lingan m’oihle. Kan ambrij a lagaddamna aninhanglen kun ayam-lingan anabgugun dele (Epissi 6:4).

Tanahimdam Kitungan a onagji, amben amangba goble lagaddaman abmele hangnaben dete. dile ayam Kitungan do mandran amangba lagaddamnaba.

Okiy Kinolbe absele: “GAMANGtungan Sion saring d’ong-nam absittate, do aman a mandrengmadta ayam lingan Jirusalem a banangsan gijte.quebe” (Sanenken 128:5).