Apr 27 – KI APUNI LAGA PAAP KE DHAKAISHE!

Psalm 32:1 “Ashirbaad ase tai jun laga golti khan ke khemai korishe, jun laga paap ase dhakai kene”.

Psalm 32 ekta adhayay ase di kene khemai ke Pobitro Kotha te. Itu adhayay hi bishi priya psalm ase Saint Augustine laga. Tai thakishe ekta jibon paap laga, tai nabacha agete. Tai laga mukti laga homoi te, tai porishe Psalm 32 baar baar, aru kandishe ekta bhanga logote. Tai likhishe  itu psalm ke deewar te tai laga kamra laga.

Bishi dangor dukh tu ki ase koile jokhom hua apradh kora paap pora. Aru jitya golti khan aru paap khan ekta manu laga khemai hoi, azaadi, anindo aru shanty khan iki saman nathake. Itu karone, jabi calvary laga kruste, swikaar koribi apuni laga paap khan ke aru pabi utu atulani khemai Isor pora.

Ekbaar jitya ekta chor looti thakishe ekta gehna dukaan ke, utu laga malik ke koishe ki tai loi jabole pare sob gehna khan hoilebi chari dibole tai laga jibon ke. Hoilebi utu chor pora morai dishe tai ke, looti loishe gehna khan ke aru polaishe. Tai  ke hekh te duri loishe police pora aru anishe court te. Utu laga advocate bi kinika kori kene chura bole kuchid kori thakishe tai laga kotha khan pora.

Hoilebi jitya sulwai choli thkaishe, utu chor khara kori kene swikaar korishe tai laga golti ke aru kandishe: “ami hi korishe itu hatya ke. Ami laga ami laga atma iljam alagai ami ke din aru rati te. Tai anurodh kora laga chari dibole tai laga jibon ke baji thake ami laga kaan te pura homoi, aru bonai ami ke pagol. Morom kori kene fasi  dibi ami ke joldi.”

Isor laga bacha khan, “tai jun dhakai tai laga paap khan ke agh nabarhi bo, hoilebi jun swikaar kore aru chare tai khan ke thakibo daya”. (Proverbs 28:13). Judi ekta manu pura mon di kene paschyatap kore tai laga paap khan ke, swikaar kore tai khan ke aru bonai faisla ghuri bole utu khan pora, Isor pora khemai koribo, sapha koribo aru bonabo tai ke dharmik. Bishi ase jun najani kene hosa paschyatap ke, koi itu iki kotha baar baar. Aru tate iku faida nai inika bhabna laga swikaar kora te.

“Aaron paishe sona ke tai khan laga hath pora, aru tai bonaishe itu ke koda kora sonjuli logote,a ru bonai ekta goru bacha ke” (Exodus 32:4). Itu ekta dangor golti thakishe suku ke Isor laga. Itu mora laga paap thakishe bonabole murti ke aru loi jabole Israelites khan ke seva koribole utu murti ke. Hoilebi jitya moses hudishe tai ke, tai kuchis korishe ulta pulta kotha kobole, koishe inika: “ami koishe tai khan ke, ‘jun bi sona ase koribole dibi tai khan ke bangai kene ulabole’. Toh tai khan dishe ami ke,a ru ami dhaki dihe itu ke jui te, aru goru bacha ulai ahishe” (Exodus 32:24). Itu sapha misa thakishe aru bonai diya kotha utu poristhiti pora ulai ahibole. Kun bi bachi bo paranai itu paap pora nahoilebi itu laga saza pora, inika misa koi kene.

Aji dhyan koribole laga pobitro kotha tu hoile James 5:16 “swikaar koribi apuni laga golti khan ke ekjon dusra jon ke,a ru parathana  koribi ekjon dusra jon ke”.