Apr 28 – ISOR AROP NAKORE ADHARMI KHAN KE!

Psalm 32:2 “ashirbaad ase tai ke jun Isor pora arop nakore adharmi karone,a ru jun laga atma te iku dhoka nai”.

Pobitro kotha te koi kene ase hazar ta ashirbaad khan. Aru kunuba ashirbaad tu hoi ase Psalm 32 te. Ashirbaad ase utu manu ke junte Isor arop nakore adharmi ke. Ashirbaad ase manu ke jun laga atma te dhoka nai.

Purana niom khan te, khun daan kora memna laga khali dhakai paap ke. Hoilebi itya Notun Niom te, khun Isor Jisu Krista laga, junk e suli te chadaishe Calvary te, pura dhulai diye dagi ke paap laga, sapha kore aru diye ami khan ke khemai. Khun Jisu Krista laga, bonai paap khan ke bi iman boga borop nishina. Aru Isor pora nasai ahdharmik ke itu pichete. Aru tate mukti ase atma te poila paapi khan laga, juntu modot kore taike loi jabole ekta jibon dhoka nathaki kene.

Tate poristhiti thakibo pare jote ekta manu mehsus koribo pare: ‘ami bishi biya paap korishe. Aru kinika hoilebi ami swikaar koribo lage ami laga paap khan ke, ami itya bi najane judi ami khemai hoishe, ami laga mon te. Ami laga atma bikhai aru dukh diye ami ke’.

Judi apuni kitya bi paap korishe bebichar, jadu, hatya, chor, apuni hosa pora pachtava koribo lage aru swikaar koribo lage utu paap ke ekta hosa manu Isor phine thaka. Jitya tai prathana koribo ekta bhari mon loi kene maujudgi te Isor laga, apuni bi mili bo lage tai logote aru ulai dibo lage apuni laga monk e prathana te khemai karone.

Isor saishe paap ke Raja David laga Uriah laga maiki logote. Iku bi Isor pora lukabole napare. Tai gali korishe David ke Prophet Nathan jugedi. Aru Isor dishe khemai David ke, jitya tai swikaar korishe tai laga paap ke, ekta thik mon loi kene aru prathana korishe khemai karone.

Purana Niom tea mi khan dikhe paap ke Achan laga jun lukai Babylonian kapra ke aru sona ke tai laga tripol te rakhi thaka. Aru jitya itu dikhai she, Joshua koishe Achan ke, “ami laga lora, ami anurodh kore apuni ke, dibole gaurav Isor Pormeshwar ke Israel laga, aru kobi hosa kotha Tai ke, aru koribi ami ke itya ki korishe apuni; ami pora nalukabi” (Joshua 7:19). Jitya Achan manishe tai laga paap ke, kilekoile tai Dhaka bole paranai itu ke; tai konai holebi ekta hosa mon pora aru pachatava koranai mon te. Itu karone tai bhugishe bhari saz logote Isor laga hath pora. Aru itu ke darj kori ken ease Pobitro  Kotha te, ekta chtavni hisab tea mi khan sob ke. Isor laga bacha khan, apuni thakibo lage ekta hosa mon aina nishina. Itu karone pabi khemai ke Isor laga aru kitya bi nadibi jaga paap karone itu pichete.

Aji dhyan koribole laga pobitro kotha tu hoile Revelation 5:9-10 “kilekoile Apuni ke moraishe, aru bachai she ami khan ke Isor te Apuni laga khun pora sob jati bi aru basha aru manu aru desh, aru bonaishe mai khan ke raja aru pondit ami khan ke Isor te, aru ami khan rajyo koribo prithibi te”.