Apr 23 – KHEMAI KORA NIJOR KE!

Psalm 32:5 “ami hoi kore ami laga paap khan ke Apuni ke,a ru ami laga galti ami lukanai. Ami koishe, “ami swikaar koribo ami laga golti khan ke Isor ke, aru Apuni khemai kore golti khan kea mi laga paap laga. Selah”.

Tisra kisim laga khemai tu hoile ase khemai kora nijor ke. Bishi ase jun khan dukh kore aru koi, “ami nischit nahoi judi Isor pora khemai korishe ami laga paap khan ke; ami iku anondo nai mukti laga; bhoi mora laga gherau kore ami ke; aru ami najane ki koribo lage”.

Aru kunuba khan ase napare khemai koribole nijor ke aru koi: “ami korishe bishi biya paap khan ke aru iku khemai nai ami karone”. Hoilebi aru dusra khan ase, jun khan ke Isor pora khemai korishe, tai khan mehsus kore tai khan laga mon te. Toh, tai khan suru kore bhabna koribole nijor ke paapi koi kene.

Ekta jawan manu bishi morom korishe ekta maiki ke aru icha korishe shadi koribole tai ke. Hoilebi tai laga ama baba khan mananai itu ke aru shadi korai dishe  tai kea lag maiki logote.  Maiki juntu ke tai morom korishile, bardasht koribole paranai aru ses  kori loishe tai laga jibon ke. Utu homoi pora, tai bonishi dimag pora dhila. Tai faisla kori loishe ki tai laga paap ke khami nai,a ru hari jaishe prathana koribole Isor ke utu stithi karone. Tai khemai koribo paranai nijor ke.

Satan pora koi thakibo iljam kunuba manu khan ke aru kobo, “jitya apuni korishe iman dangor paap, kinika apuni bhabna koribo pare ki iman pobitro Isor pora khemai koribo apuni ke?”

Hoilebi pobitro kotha te koi, “tate ase itu karone iku bi nai iljaam itya tai khan ke jun khan ase Krsita Jisu te, junkhan naberai gau te, hoilebi hisab te Atma laga” (Romans 8:1). “kilekoile ami dayavan hobo tai khan laga ahdharmikta karone,a ru tai khan laga paap khan aru niom nathaka kaam khan karone ami yaad nakoribo” (Hebrews 8:12).

Chela paul bonaishe ekta thik niom. Tai fisla korishe pahoribole purana saman khan ke aru bhorta korishe nijor ke swarg laga bhabna khan pora. Tai koi, “bhai khan, ami ginti nakore nijor ke dhuribole; hoilebi ekta kotha ami kore, pahore utu saman khan ke juntu khan piche ase aru pungchibole kore utu saman khan ke juntu khan agete ase, ami kuchis kore agete natija te inaam karone upor pora mat ate isor laga Jisu Krista te” (Philippians 3:13-14).

Jitya khun Jisu laga dhulaishe aru sapha korishe apuni ke, jitya Tai laga daya khan khemai korishe apuni laga paap khan ke, apuni bi narakhibo  lage apuni laga atit laga paap khanke. Aru narakhibi jaga utu golti bhabna nimite.

Isor laga bacha khan, dibi nijor ke haath te Isor Jisu laga- jun jitishe calvary te, thakibole ekta pobitro jibon aru jitibole pura daur apuni laga biswas jibon te.

Aji dhyan koribole laga pobitro kotha tu hoile Luke 1:76-78 “kilekoile apuni jabo agete chehra laga Isor laga tayar koribole Tai laga rasta khan ke, dibole gyan mukti laga Tai laga manu khanke dhulai kene tai khan laga paap khan ke, norom daya dwara ami khan laga Pormeshwar laga.”