Apr 23 – NASANA NASABU KOKPIBA!

“nangonda eigi ipap eina khanghanjakhi, eigi ayol aran eina lotchakhide. Eina haikhi, “eina Jehovahda eigi langjaba haidokchagani, “ aduga nahakna eigi pap ki ayol aran kokpikhi. Selah” (Psalm 32:5).

Kokpibagi ahumsuba makhla adudi nasana nasabu kokpiba haibasini. Thamoi waduna asumna hairiba kangbu mi mayam leiri, “ Prabhuna eigi papsing asibu kokpirabra natraga kokpidribra haibasi eihak nakei sengdri. Arankhubamgi haraoba asi eingonda leite, asibagi akibana eibu laksinduna leiri, ei kari tougani khangdre.Aduga kanagumba mi khradi masana masabu kokpa ngamdaduna leiri,aduga makhoina asumna hairammi, ‘eihakna sathina pap toure aduga madugi kokpiba leiraroi. Aduga kanagumba mi khradi Iswarna kokpirabaphaosu makhoigi thamoina madugi ingthaba adu phaoba ngamdana leiri. Aduna makhoi pappi oibani haina khanduna leiri.

Naha nipa amasina nupi amabu nungshiduna mahakpu luhongba pamlammi. Adubu mahakki mapa mama na madu yabide aduga atoppa nupi amaga luhong hankhi. Mahakna nungshijaba nupi aduna madu khangba ngamdaduna masana masabu sijakhre. Madudagi mahak wakhal leina naduna leikhre. Mahakki pap asi kokpiba ngamlaroi haina warep lourammi,aduga madugi maramda Iswarda haijaba ngamlamdre. Masana masabu kokpba ngamlamdre.Satanna misingbu leppa leitana maral siduna asumna hairi, “ nahakna asukki matik sathiraba pap toukhre karamna sengthoiraba Iswarna nahakpu kokpigani.

Adubu Sastrana hairi, “ houjiktagi houna Christada leiriba mi khudingmakki damakta lahanba haibadu leitrabani,makhoina hakchanggi apambada chattaduna thawaigi apamda chatpani.” (Romans 8:1).  “maramdi eina makhoigi dharamchendabada thoujanbigani, aduga makhoigi ayin yaodaba thabaksingdu eina ningsinglaroi.” (Hebrews 8:12).

Pakhonchatpa Paulna achet warep lourammi. Mahakna khudingmaktu kaothoktuna  swargagi wakhallon khatkada thannan leirammi. Mahakna asumna hairammi, “ ichin inaosa, eina madu phangle haina khanjade,dubueina toujaba madi lei, madudi eina tungda leihouba  adu kaothoklaga mangda leiba adu tanjei, Christa  Jesuda Iswarna mathak lomda koubibagi mana adugi damak eina panthungphamlomda chenjari.” (Philippians 3:13-14).

Jesugi eena nahakpu chamthokpiduna sengdokpa matamdagi houna nahakki pap adu mahakki thoujalna kokpirabani aduga nahakki houkhraba papta luptuna leiraganu. Eihak lanbani haina lanbagi wakhalda nahak matha saraganu.

Iswar gi machasing,Jesugi makhutta nahak pithokkhro, mahakna Calvaryda lan ngamba punshi hinglammi, aduna nahakna asengba punshi hingba ngamgani, aduga thajabagi punshida nahakna mapum phana lamjen chenbagumna lan ngamba adu oigani.

Dhyan tougadaba: “aduga  angang nahak Wangthoiraba Adugi wa tathokpa mi kougani.Nahakna Ibungogimang thana mahakki lambising thourang tounaba chatkani. Makhoigi papkokpibagi mapanna mahakki misingda aran khubamgi maramda khangba pibinabani, eikhoigi Iswargi chanbibagi mapanna, chingkhei hullakpana eikhoibu   awangbadagi yengbirakkani.” (Luke 1:76-78).