Apr 18 – KHEMAI KORA ARU MOROM!

Genesis 45:15 “itu uporte bi, tai chumi she sob tai laga bhai khan ke aru kandishe tai khan uporte”.

Joseph thakishe bishi morom aru daya  tai laga bhai khan ke. Aru itu hi ase hosa china khemai kora laga. Judi  apuni bi khemai kore, Jisu nishina khemai korishe apuni ke, titya apuni horta hobo morom logote apuni laga dushman khan logote. Apuni bhi ekta bhar thakibo tai khan karone ki tai khan paar koribole paribo hodai din laga narak ke aru jabole swarg te.

Ekdusra nimite prathana dayawan mon pora, ase bishi tagot thaka. Judi apuni khemai nakore aru thake daya ekta manu uporte, titya atma prathana laga aru anurodh laga nagiribo apuni te. Israel khan lorai korishe khilafte aru koishe khilafte moses laga. Hoilebi Moses tu bhorta hoishe daya pora tai khan uprte aru prathana korishe: “judi itya ami paishe anugrah Apuni laga suku agete, O Isor, hobole dibi ami laga Isor, Ami prathana kore, jai tai khan laga majete, judi bi ami khan sida thaka manu ase; aru khemai koribi ami laga golti ke aru ami laga paap ke, aru lobi ami khan ke Apuni laga uttaradhikaar” (exodus 34:9).

Sabi ami khan laga Isor Jisu ke. Judi bi Tai laga atyacharak khan Tai uporte thukishhe, aru marishe Taike chabbuk pora, Tai daya korishe tai khan logotte aru prathana korishe: “Baba khemai koribitai khan ke, kilekoile tai khan najane kitai khan kore” (Luke 23:34). Aru bi ekta uddharan tea mi khan dikhipai Jisu laga, ami khan pore ki malik tu bhorta hoishe daya pora,a ru chari dishe tai laga naukar khan ke,a ru khemai korishe tai khan laga dhar ke (Matthew 18:27).

Piche kori kene kadam ke Isor Jisu laga, Stephen  bi shikhishe khemaikoribole aru bhorta hoishe atma te daya aru khemai laga. Khotomhoi kene  tai kotha kora pichete manu khan logote, tai khan gussa hoishe tai logote  daant bi chabai kene, tai khan ulai dishe tai ke aru pathor marishe tai ke. Hoilebi Stephen gutna te ahishe aru kandi kene jor awaz pora koishe, “Isor, badla nalobi tai khan ke itu paap karone.” Aru jitya tai itu koi loishe tai gumai jaishe” (Acts 7:60).

Judi apuni pai anugrah ke khemai laga apuni te, adot khan Jisu laga suru hoi jabo apuni te. Aru pobitro atma pora shikhabo apuni ke bhorta hobole daya aru prathana koribole manu khan nimite.

Pobitro kotha te koi, “jinika, atma bi modot kore ami khan kea mi khan laga komjuri te. Kilekoile ami khan najane ki prathana koribo lage, hoiolebi atma nijor hi prathana kore ami khan nimite kandi kene juntu kobole bi napare” (Romans 8:26). “kilekoile utu iki naap pora juntu apuni dikhe, itu naap pora hi naapibo apuni ke bi”.(Luke 6:38).

Isor laga bacha khan,a puni khan hodai hi tayar thaibo lage nijor ke itya, pabole nimite daya ke Isor laga utu din te jitya apuni khara koribo Tai laga rajyo te faisla nimite. Itu zaroori ase ki apuni bi thakibo lage khemai kora laga adot khan Isor Jisu nishina. Itu karone, morom koribi apuni laga dushman khan ke aru thakibi daya tai khan uporte.

Aji dhyan koribole laga pobitro kotha tu hoile Matthew 5:7 “ashirbaad ase dayavaan khan ke, kilekoile tai khan pabo daya”.