Apr 15 – KHEMAI ARU MOROM!

Psalm 78:38 “hoilebi Tai, nije hi bhorta hoi kene morom pora, khemai korishe tai khan laga golti ke,a ru khotom kora nai tai khan ke. Hoi, bishi baar Tai ghuraishe Tai laga gussa ke dur, aru ghulanai tai laga khong ke”.

Tate tinta sabak ase ki apuni khan buji bole jibon pora Joseph laga. Poila, ekbaar apuni khemai korishe koile kunuba ke, utu manu laga beya kotha khan ke dusra manu ke nakobi. Pura khemai koribi aru pahoribi tai laga monbikhai diya khan ke nahoilebi kaam khan ke

Jitya Isor khemai kore, Tai bi pahori jai utu khan ke; aru phelai diye utu ke ekta gehra samundar te. Hoilebi itu galat ase apuni laga bhag te loi kene berabole bhbna khan ke aru kobole tai khan laga biya kaam khan ke, tai khan golti ke mani loa pichete bi.

Joseph tu icha koranai tai laga rajyo laga karamchari khan ke janibole tai laga hhai khan laga biya kaam khan ke. Itu karone tai hudishe tai laga karamchari ke ki kile tai mangishe tailaga karamchari khan ke hati jabole utu karma pora (Genesis 45:1). Tai icha koranai kobole nimite tai khan laga biya kaam khan ke dusra jon logote.

Joseph ke anyay te kalkotri te dhalishe bishi saal nimite, tai laga jawani te. Tai bhugibo lagsihe bishi saza khan ke ekta golti nimite juntu taikoranai. Tai laga dukh laga kotha koile, Pobitro koth ate koi, “Tai khan dukh dishe tai laga bhori ke beri pora, tai ke laishe loha khan” (Psalm 105:18).

Itu laga poristhiti te bi, tai koanai iku bi utu mukhya bawarchi ke, tai laga anyay khan juntu tai uporte hoishe tai laga kokai khan pora kora nahoilebi misa iljam khan Pothiphar laga maiki khan kora. Tai khali koishe: “kilekoile Ami ke chori korishe mati pora Hebrews khan laga; arubi, Ami iku kornai yate ki tai khan ami ke kalkotri te dhali bole” (Genesis 40:15). Itu pora dikhai ke tai pura maaf kori dishe tai laga bhai khan ke aru pothiphar laga maiki ke. Itu khali kilekoile itu achuri adot khemi kora laga, juntu anishe tai ke bahar kalkotri pora.

Aji bishi ase jun khan gherav hoi kene ase ekta kalkotri te ‘khemai nakora pora ‘. Itu laga natija, tai khan bhorta hoishe tita mon pora aru bhugishe bishi samsya khan pora. Hoilebi bishi khan ase, jun khan tai khan laga khemai nathaka pora, pai saza bimari te, dhar te, bhugi thaka te aru porikha khan te. Itu pora hbi bondhi bonai kene rakhe atma ke, tai khan prathana koribo napare; nahoilebi uthi kene jilikibo napare Isor nimite.

Kunuba manu khan ase jun bonai kotha ke ki tai khan logote iku tita mon nai kun laga khilaf te bi. Itu khali ekta kotha hi ase; kilekoile tai khan laga mon joli thake narak laga jui pora beya paa ke. Bishi jowala mukhi uthibo tita hoa laga ulabole nimite. Isor laga bacha khan, apuni bachi jaile bi bishi bondhi khan pora aru saza pora khali jitya apuni ulai kene phelai khemai nakora laga monk e apuni laga atma pora.

Aji dhyan koribole laga pbitro kotha tu hoile Isaiah 33:24 “aru thaki thaka pora nakobo, “ami bimar ase”, manu khan jun thake itu te khemai pabo tai khan laga golti te”.