Apr 12 – AYOL ARANBU KOKPIRIBA MI!

“eigi pap asi nangonda phongdokkhre, eigi ayol aran asi eina lotpa toude. Eina hairammi, “ Prabhuda eigi papsing haidokchagani, aduga nahakna eigi ayol aransingbukokpire.” (Psalm 32:5).

Prabhuna nahakki papki ayol aran du thoujalga loinana kokpire. Nahaknasu misingbu kokpigadabani. Nahakna madu toudrabadi papna nahakki punshida litsingani aduga nahakpu lomba naidaba awabada pusinkhigani.

Kokpibagi maramda yamna nungaiba wari ama leibani. Matam amada lou uba nipa amasi siramdaigi phamungda leiramm,aduga mahakki damakta haijabinaba pastor adubu koubirabani. Mahakki imunggi mising adu mahakki akoibada leplammi. Lou uba nipa aduga mahakki thangnaba mi amaga lamgi maramda yamna kuina khatna yetnaba lei haibadu Pastor aduna phajana khanglammi. Pastor aduna mangonda haiba adudi, nahakna nahakki keiroi leikai adu kokpiro adu oirabadi nahakna taibangpan asi thadoklamdaida mayek sengba apha phata khangba haibadu phangba ngamgani. Lou uba nipa adu saoraktuna asumna hairak I, “eina mahakpu karamna kokpiba ngamgani, mahakna eigi lam asi acre tangkhai asi henjillakpani. Pastor aduna hairammi, “nahakna mahakpu kokpirabadi swargada Iswarna nahakpu acre lising ama pigani. Aduga nahakna kokpidrabadi lomba naidaba norokta awaba khanggani. Masi tabada lou uba nipa aduna mahakki machanipa adubu kouraga asumna hairammi, “ichanipa eina eikhoigi keiroi leikai nipabu kokpikhre, maramdi eina mahakpu kokpidrabadi swarga changba ngamlaroi. Nahakna panggal kallabanina mahakpu keidounungda kokpiganu. Mahakpu para tambiyu. Masi hairaga pastor aduda masi hairammi, “ eigi keiroi leikaibu kokpikhre. Eina swargada acre lising adu phanggadra?

Siba matam haibasi yamna maru oibani. Nahakki thamoina kokpinaba thiba oisanu. Adu oirabadi nahakna ingthaba amadi haraobaga loinana taibang pan asi thadokpa ngamgani. Kokpibagi thawai asina nahakpu thanlabadi nahakna asibagi tampak phaoduna chatlabasu satanna nahakpu karisu sokpa ngamloi. Aduga nahakki maithong adusu  swargagi dut amagumna ngangani. Madu Stephengi maithong adugumba oirakkani. “aduga councilda phamliba misingna manongda sangtrik sangna yenglammi, aduga mahakki maithong adu swarga dut amagi maithong gumba oirammi.” (Acts 6:15).

Prabhugi haijabada, eikhoina asumna pai, “ eikhoigi laman tonbasingbu kokpibagumna eikhoigi laman su kokpiyu.” (Mathew 6:12), “eikhoigi laman tonbasingbu kokpibagumna eikhoigi papsu kokpiyu.” (Luke 11:4).  Masi phibam leiba haijabani, nahakna misingbu kokpibakanda nahakki su kokpigani. Eikhoigi Parbhu Jesugi thoujaldagi lakpa kokpiba adu  tambiyu. Iswargi machasing, nahakna Prabhugi matung induna mahakki magun oiriba kokpiba aduda pik thanba oibiyu.

Dhyan tougadaba: “nongpoktagi nongchupna lapna leibagumna Iswarnasu eikhoigi ayol aran papsingbu mutthatkhre.” (Psalm 103:12)