Apr 02 – KHUN GETHSEMANE LAGA!

Luke 22:44 “aru thaka karone dukh te, Tai prathana korishe mon di kene. Titya Tai laga posina bonishe ekta dangor boondh nishina khun laga girishe niche mati te”.

Isor Jisu phelaishe Tai laga Khun ke poila Bagicha te Gethsemane te, naphela agete khun Tai laga krus te Calvary laga. Itu jag ate hi thakishe ki Tai laga mon tu bhangi jaishe dukh pora.

Tai nijor laga faisla te hi phelaishe Tai laga khun ke manu jati nimite Gethsemane laga bagicha te, agete naphela laga Tai laga khun ke juli thaka nimite. Apuni khan dikkhibo pare Tai laga mon laga dukh ke, aru Tai laga prathana ke bhangi jam on pora. Pobitro kotha te koi ki Tai dangor dukh te thakishe aru Tai prathana korishe bishi mon di kene.a ru Tai laga posina hi bonishe dangor boondh nishina khun laga girishe mati te.

Bishi bhag khan ase Pobitrno kotha te juntu koi ki Tai dishe prathana ke aru anurodh ke, kandi kene (Hebrews 5:7), Tai laga posina bonishe dangor boondh khun nishina giri thaka mati te (Luke 22:44), Tai ulaishe Tai laga monk e mora te (Isaiah 53:12). Aru sobse upor Tai phelaishe Tai laga kimti, dagi nathaka khun ke (Luke 22:44).

Judi utu kimti khun Jisu laga gire apuni laga mon te, itu pora  kjhotom kori dibo sob badha khan ke aru sob shakti khan ke andhera laga juntu rokhai apuni ke prathana kora pora. Itu pora bhorta kori dibo apuni laga monke prathana laga atma pora, atma dusra nimite prathana kora aru atma anurodh kora laga aru bodlai dibo apuni ke ekta prathana sipahi te.

*Ekta dangor rahasya ase manu laga khkun  te, juntu bishi alag ase  janwar khan pora. Pobitro kotha te koi ki jibon gau laga ase itu laga khkun te. Manu laga khun te hi jibon ase. Itu te awaz bi ase, aru basha bi. Aru utu awaz pongchibole pare prithibi pora swarg te.

Abel poila manu thakishe phelabole tai laga khun ke itu prithibi te; kilekoile tai ke biya pora morai dishe tai laga nijor bhai pora. Aru Cain bhabna korishe utu khun ke dhakabole.*

Hoilebi Isor hunishe awaz Abel laga aru ahishe nichete prithibi te.a ru Tai koishe Cain  ke, “ki korishe apuni? Awaz apuni laga hai laga khun laga candi ase Amike mati pora” (Genesis  4:10).

Mora aru phelai diya khkun hi sobse gambhir iljam ase; aru gehra dagi ase. Sipahi khan judho te bi kosom khai khali dushman ke bi mari bole.

Isor laga bacha khan, apuni khan bi mon di kene icha koribo lage atma prathana kora laga, atma  anurodh kora laga aru atma dusra nimite prtahan kora laga, Isor Jisu Krista laga khun dwara.

Aji dhyan koribole laga pobitrbo ktoha tu hoile Matthew 26:40 “titya Tai ahishe chela khan laga usorte aru paishe ta khan ke ghumai thaka, aru koishe Peter ke, “ki! Apuni sabole paranai ami logote ek ghanta bi?”