Mar 31 – PURA JIT!

Romans 6:14 “kintu paap nathakibo adhikaar apuni uporte, kilekoile apuni niom laga bhitorte nahoi hoilebi anugrah laga bhitorte ase”.

Purana Niom tu thakishe niom aru adesh khan laga. Hoilebi Notun Niom ase ekta bachan anugrah. Itya laga Notun Niom laga homoi te, ami khan nirbhar kokre anugrah te Isor laga juntu dishe amikhan ke Khun pora Krista laga. Aru paap pora kitya adhikaar nathakibo Isor laga bacha khan uporte, jun khan anugrah bhitor te ase.

Purana Niom laga kanoon, pora bandhi bonaishe Israelites khan ke; aru tate iku rasta thakanai dava koribole jit ke paap uporte. Hodai saal tai khan bhent kore memna khan ke paap laga bhent hisab te; aru tai khan pabole paranai pobitrota ke nahoilebi pura jit paap laga uporte. Tai khan khali dhakabole pare tai khan laga paap khan ke, tai khan laga paap bhent dwara, hoilebi pabole napare anugrah ke jitibole paap khan uporte.

Notun niom te, Isor Jisu ke chadayaishe ekta daan hisab te, ami khan laga paap khan nimite, ekbaar aru hodai din karone. Rakhi kene ami khan laga biswas ke utu daan te, ami khan paishe khemai amikhan laga paap khan karone. Ami khan pai shakti Pobitro Atma laga jitibole paap khan uporte aru jitya laga jibon thakibole. Itu khali kilekoile itu karone hi ki ami khan khara koribole pari ase nahili kene aru nagiri kene, hoilebi tagot te ase loi jabole ekta jitya laga jibon ke. Pobitro kotha te koi, “kintu niom Atma jibon laga Krista Jisu te bonaishe ami ke azaad kanoon pora paap laga aru mora laga” (Romans 8:2).

Shakti Pobitro Atma laga ase bishi dorkaar, loi jabole ekta pobitro jibon ke. Itu pora sapha kore aru bonai apuni ke pobitro monte. Kilekoile apuni mondir ase Pobitro Atma laga, jun thake apuni te, itu pora hi mumkin koribo apuni ke jitibole paapke, aru hobo jitya laga hodai hi.

Israel laga bacha  khan, Purana Niom laga homoi te, thakishe bandhi Egypt te aru kanoon laga bhitor te. Hoilebi Notun Niom  te, ami khan bhitorte ase anugrah laga. Putro pora amikhan ke azaad korishe. “itya Isor ase Atma; aru jote Atma ase Isor laga, tat ease azaadi “ (2 Corinthians 3:17).

Pobitro kotha te koi, “kintu ki kanoon koribo parnai utu te itu komjur thakishe gau pora, Isor korishe pothai kene Tai laga nijor Putro ke paapi nishina gau te, paap karone: Tai ninda korishe paap keg au te”. (Romans 8:3).

Tahke jitya bhitorte anugrah laga bachan te, apuni napabo anubhav giri ja laga aru hila laga baar baar. Hoilebi kosom ekta pobitro jibon laga juntu ke chubole naparibo paap pora. Isor laga bacha khan, kilekoile apuni dishe nijor ke anugrah te Isor Jisu laga, paap pora nathakibo adhikaar apuni uporte. “junbi jonom hoi Isor dwara paap nakore, kilekoile Tai laga bijon ase tai te; aru tai koribo napare paap, kilekoile tai jonom hoishe Isor pora” (1 John 3:9).

Aji dhyan koribole laga pobitro kotha tu hoile Galatians 2:20 “ami ke suli te chadayshe Krista logote; itu aru ami nahoi jun jiayai ase, hoilebi Krista jiyai ase ami te; aru jibon juntu Ami itya jiyai ase gau pora ami jiyai ase biswas te Putro Pormeshwar laga, jun morom korishe aru dishe Nijor kea mi karone”.