Mar 26 – GHOSHNA KORIBI APUNI ATIT LAGA JIT KE!

1 Samuel  17:34-35 “hoilebi David  koishe Saul ke, “ Apuni laga naukar rakhi thake taibaba lga bhera ke, aru jitya hingo nahoilebi bhaluk ahe aru loio jai ekta memna ke tai laga dol pora, Ami bahar ul;ai jai itu pichete aru mari diye, aru bachai diye memna ke tai laga mukh pora”.

Tate sapha pora niom khan likhi ken ease Isor laga mani kene jabole jit pabo nimite. Poila, apuni yaad koribo lage sob apuni lag alabh khan ke juntu Pormeshwar pora pora dishe apuni ke, apuni laga chutu homoi pora aru dhonyabaad koribo lage Isor ke. Mon bhitor pora dhonyabaad thaki kene, judi apuni ghosna kore apuni laga atit laga jit khan ke juntu Isor pora dishe itu pora anibo notun akha apuni laga mon te. Itu pora anibo biswas aru ashavad apuni te, ki apuni ahram pora samna koribo paribole aru jitibole iku smasya thakile bi apuni laga aha din khan te. Apuni bhorta hobo ekta tagot biswas pora ki Isor jun pora korishe bishi achurit khan apuni laga jibon te itya tok, loi kene jabo koribole achurit khanke aha laga din khan te bi.

Ekta hingo aru ekt bhaluk ahe David  laga khilaf te. Isor laga tagot logote, tai khara kore khhilaf te tai khan laga, mare aru morai diye. Jitya tai bhabna kore pura tai laga atit laga jit khan ke juntu Isor pora taike dishe, tai aru bi tagot kore nijor ke Isor te. Itu karone, tai ahram pora Goliath  ke jitibo parishe.

Apuni khali bhabna nakoribo lage achurit khan ke apunilaga jibon te ekla. Hoilebi aru kinika Isor pora lorai korishe Tai laga pondit khan nimite aru kinika tai dushman khan ke polabole dishe Isor laga bacah khan pora. Itu poristhiti khan sob darj kori kene ase Pobitro kotha te. Apuni bhabna koribo lage khali utu achurit khan ke aru dhonyabaad koribo lage Isor ke. David koi: “ami laga mon gorom thakishe ami bhitor te; jitya ami chinta korishe, jui jolishe. Titya ami kotha korishe ami laga jiba logote. Apuni mati pora Jordan laga, aru unchain pora hermon laga, porbat pora mizar laga. (Psalm 42:6).

Moses, mmanuIsor laga, salha dishe Israel manu khan ke: “khali bhabna koribi nijor ke, arum on di kene rakhibi nijor ke nahoile apuni pahoribo saman khan ke apuni laga suku pora dikha khan, aru inika hi itu jai jabo apuni laga mon pora pura din khan apuni laga jibon pora. Aru shikhabi itu khan apuni laga bacha khan ke aru apuni laga bacha laga bacha khan ke” (Deuteronomy 4:9).

Bhabna koribi bara khan ke Isor laga pura apuni laga gusti te (exodus 12:14). Yaad koribi duth khan laga khana ke ji pora Tai bhorta korishe Israel manu khan ke balu mati te jitya Tai anishe tai khan ke bahar te mati pora Egypt laga (exodus 16:32). Bhabna koribi barota pathor khan ke, juntu rakhi ken ease Jordan te (Joshua 4:9). Notun niom te, isor pora adesh dishe ami khan ke yaad koribole Tai laga dukh ke aru Tai laga antim daan ke tran koribole manu jati laga (luke 22:19, 1 Corinthians 11:26). Isor laga bacah khan, jitya apuni aad kore sob itu khan ke gehra dhonyabaad mon pora, apuni bodlikoribo pare sob haar ke achurit jit te.

Aji dhyaan koribole laga pobitro kotha tu hoile Hebrews 11:33 “tai khan dubai dishe rajyo khan ke biswas pora hi.”