Mar 25 – DIN JIT LAGA!

1 Samuel 17:46 “itu din te Isor pora dibo apuni ke ami laga hath te”.

Dusra rajneeti ase jitibole judho ke, thik kori loa din ke jit laga. Ki ase utu din jt laga? Itu alag nahoi kene aji ase. Itu biswas thakishe David  laga ki “itu din te Isor pora dibo apuni ke ami laga hath te”.

Bishi ase jun khan rokhai diye koribole kaam khan ke agla din te nahoilebi pichete. Itu ke iku kotha diya nahi ki judi amikhan dikkhi pabo puhor ke din laga kali te. “bhabna koribi ki isor pora koi ase, “thakibi, itya ase mana laga homoi; thakibi, itya ase din  paritran laga” (2 Corinthians  6:2). “bhabna koribi kosom ke Isor laga aji karone: “aji laga din te bi ami ghoshna kore ki Ami dubara dibo dui guna apuni ke” (Zechariah 9:12).

Kitya bi narukhabi dinke paritran laga; kitya bi narukhibi din karone bhorta hobole chuni loa pora nahoilebi din khara hua laga tgaot thaki kene Isor nimite. Sabi kinika Isor mon dukh korishe Jerusalem nimite tai rokhai diya nimite, koi kene, “judi apuni janishe koile, khas kori kene aji apuni laga din, saman khan karone juntu bonaishe apuni laga shanty nimite!” (Luke 19:42).

Ekta maiki khun jaa laga bimar thakishe baroh saal nimite, aru bhugishe bishi dukh khan ke bishi chikitsak khan pora. Tai phelaishe sob tai laga ji thakishe hoilebi bhal huanai, aru bishi hi hoi jaishe. Hek te, tai faisla korishe ki tai kinika hoilebi chubo kapra ke Isor Jisu laga utu din te, aru tai bhal hoi jabo. Tai biswas korishe tai laga mon te ki ‘aji din ase changai hua laga’. Utu biswas pora, tai chuishe kona ke Isor laga kapra laga aru paishe changai ke.

Apuni khan thik kori lobo lage apuni laga jit laag  din ke; aru loi jabo lage sob ses ta pora; aru apunidava koribo paribo apuni laga jit ke. Jitya noah hoshiyar korishe manu khan ke baar ahibole laga, tai khan dhyan diyanai;a ru tai khan nijjor ke tayar koranai.a ru baar ahishe achanak pora aru dubai dishe tai khan sob ke.

Nabi jonah hoshiyaar korishe manu khan ke Nineveh  laga dukh karone. Tai kandi kene koishe, “khali challis din tok, aru Nineveh  ke phelai dibo, judi apuni khan naghurai apuni laga biya kaam khan pora”. Manu khan ninevah laga biswas korishe Pormeshwar ke, rakhishe upwas lagaishe biya kapra aru ghuraishe tai khan laga biya rasta pora.

Jitya bi ami laga baba,  Bro. Sam jebadurai bohe Antantulla Appam ke lihibole, hodai din laga gyan nimite, tai bhabna kore ginti khan din khan laga juntu karone  tai bohe khotom koribole, Isor laga modot logote. Tai kotha bi nakore manu khan logote, jitya tok khotom nakore juntu karone tai dhyan kori kene bohishe, Isor laga theng te bohi kene.a ru Isor taike modot kore bonabole Antantulla Appam ke bonabole, mohima pora mohina aru saal pora saal iku digdar napi kene. Isor laga bacha khan, dhyan koribi dinke apuni laga jit laga aru chunibi din apuni laga paritran laga. Aru kitya bi narokhabi.

Aji dhyan koribole laga pobitro kotha tu hoile Luke 19:9 “aji paritran ahishe ami laga ghorte, kilekoile tai bi ase putro Abraham laga”.