Mar 23 – EKTA PORMESHWAR ASE ISRAEL TE!

1 Samuel 17:46 “ki pura prithibi janibo ki tate ekta Pormeshwar ase Israel te”.

Sobse zaroori kadam jit laga ase mahima koribole Pormeshwar laga; uthai dibole Tai laga Pobitro naam ke; aru dibo Tai ke sob gaurav aru sonman. Itu uthai diya ase jit Tai laga tagot naam te. Jitya apuni mahima kore Pormeshwar ke, apuni bi berabo lage nomrota te suku te Isor laga. Ami khan nijor ke nomro koribo lage, uthai dibo lage Tai laga naam ke, mangibo lage Isor ke ki apuni komai dibolae nahoile barhai dibole, aru mangibo lage Isor ke jit, ki Tai laga naam uncha hobolle.

Brazil jitishe ekta football worldcup laga match te. Pura desh Brazil laga ekta hoishe prathan ate utu pura homoi match laga aru ki utu hi mukhya karon thakishe tai khan laga jit laga. Pormeshwar ke honman kora laga likha khan print korishe tai khan laga jersey khan te khiladi khan laga. Kunuba utu kotha khan inika thakishe: ‘gaurav Jisu ke’, ‘100 pratishat Jisu karone’, ‘Morom kore Apuni ke Jisu’.

Loge loge jita pichete worldcup te, pura team milaishe tai khan laga hath khan ke aru sonman korishe naam ke Isor laga ground ke; aru khuli ke ghoshna korishe ki tai khan laga jit Isor Jisu laga ase koi kene, jitya pura prithibi khan sai thakishe tai khan ke. Ki dangor uddharan ase! Apuni bi mahima koribo lage Isor ke apuni laga jit te.

Isor ke mahima koribo lage aru pura prithibi pora janibo lage ki ekta Jiyai thaka Isor ase koi kene. Khali judi jor tu tan thake, tini hoile hi imarat tu stir thakibo aru tagot thakibo. David tu sahi thakishe tai laga buja te ki khali di kene mahima aru sonmaan Isor ke, tai pabo paribo jit uporte jit. Tai koi< “tini hoile sob itu sabha pora janibo ki Isor nabachai tarwal aru jathi pora” (1 Samuel 17:47).

Poila, tai koishe sob manu khan Israel laga; Isor laga bacha khan janibo. Dusra, tai koi pura prithibi pora janibo. Itu motlob, khali Israel manu aru gentiles khan nahoi, hoilebi sob deshkhan pura kona te prithibi laga, janibo Pormeshwar ke, jote bi susmachar ke prachar kore.

Bishi porivaar te, jitya barhotri ahe nahoile ashirbaad tai khan laga jibon te, pora likha nahoilebi kam tai khanlaga bacha khan laga, tai khan khali bhal koi nijor laga bacha khan ke hi. Tai khan bahaduri kore tai khan laga bacha khan laga koi kene, “ami laga bacha gyani ase, tai dukh korishe aru bishi sesta kori kene itu paishe”. Hoilebi tai khan hari jai sonman koribole naam ke Isor laga, jun hi ase karon tai khan laga ashirbaad laga aru naam uncha laga. Aru kilekoile itu kaam pora aru ashirbaad khan bondh hoi jai tai khan laga jibon te bacha khan laga. Isor laga acah khan, hodai din dhonyabaad thakibi Isor ke sob Tai laga anginat ashirbaad aru dayavan labh khan karone, aru uthabi Tai laga naam ke. Aru Isor pora ashirbaad dibo apuni ke bishi pora bishi.

Aji dhyan koribole laga pobitro kotha tu hoile 1 John 5:4 “kilekoile ji jonom hoilebi Pormeshwar dwara jite prithibi ke. Aru itu ase jit juntu paar korishe pura prihibi ke – ami khan laga biswas”.