Mar 19 – JIT PAAP TE MORIJA TE!

1 Corinthians 15:55-57 “O mora, kote ase apuni laga dankh? O mora manu laga jaga, kote ase apuni laga jit?” dankh mora laga ase paap, aru tagot paap laga ase niom. Hoilebi dhonyabaad ase Pormeshwar ke, jun diye ami khan ke jit Isor Jisu Krista dwara”.

*Isor Jisu Krista jitishe mora uporte, mora manu laga jaga uporte aru satan uporte, uthi kene aru ek baar mora pora, gauravmay mahima te. Tai laga bacha hua te ki shakti mora pora utha laga, amikhan jit pora ghoshna koribole pare, “o mora kote ase apuni laga dankh? Oh mora manu laga jaga, kote ase apuni laga jit?”

Itu hosa ase ki Jisu Krista morishe, tupishe aru uthishe dubara tisra din te; aru kun bi dhakabo naparibo nahoile namaibo naparibo utu hosa ke. Aru itu ke atit laga ghatna ekla bhabna kori kene pahoribo naparibo.*

Khali jitya apuni ahe Calvary laga kruste, loi Jisu ke apuni laga Isor aru Rakshak apunar jibon laga apuni laga mon te; aru swikaar kore, “Isor Apuni morishe ami karone, Apuni ke tupishe, aru Apuni uthishe dubara ami karone”, tini hoile hi apuni mukti pabo apuni laga paap khan pora.

Dusra kadam tu hoile jita jibon karone ase swikaar kora ki: “Ami ke suli te chadaishe Krsita logote; tupishe Krista logote; aru shakti logote Krista laga dubara uthai diya te, ami jiyabo ekta jitya laga jibon ke”. Inika hi apuni dava koribo paribo jit apuni laga jibon te.

Chela Paul  poila samarpit korishe koi kene: “ami ke suli te chadaishe Krista logote (Galatians 2:20). Dusra tai koishe, “aru jun khan Krista laga ase suli te chadaishe gau logote itu khan laga icha aru bhabna logote” (Galatians 5:24). Aru tisra, tai ghoshn akorishe ki, “Krista dwara prithibi bi suli te chadaishe ami logote, aru Ami prithibi te” (Galatians 6:14). Itu khan ase kadam aru chabi jita laga jibon thakibole.

Isor Jisu ase Pormeshwar aru jibon hodai din laga. Hodai din laga jibon, ase jiyabole mili kene hodai din laga Pormeshwar logote ami khan laga nashwar gau logote. Paap laga natija ase dukh. Aru hodai din laga jibon ane anondo ke. Khali hodai din laga jibon modot kore amikhan ke jiti bole paap ke aru jiyabole ekta jita laga jibon ke.

Pobitro kotha te koi: “ki apuni najane ki bishi ami khan jinika baptisma hoishe Krista te inika hi baptisma hoishe Tai laga mora te bi? Itu karone, ami khan ke tupi dishe mahima pora Baba laga, ki ami khan berabo paribo notun hua jibon te.”(Romans 6:3-4).

Isor laga bacha khan, judi apuni biswas kore dukh khan te, mora te aru dubara utha te Isor Jisu Krista  laga, aru loishe Baptisma biswas laga, apuni bi hodai ghoshna koribo lage itu ke aru loi jabo lage ekta jit laga jibon ke.

Aji dhyan koribol elag pobitro kotha tu hoile Romans 6:5 “kilekoile judi ami khan mile eki logote iki nishina Tai laga mora te, inika hi ami khan bi hobo Tai nishina Tai laga utha  te”.